Era Union Esportiua Bossòst ei ua equipa de fotbòl dera Val d'Aran que jògue ena competicion francesa. Era equipa jògue ath municipi de Bossòst, ua vila plaçada ath terçó de Quate Lòcs, ath costat der arriu Garona.
Era U.E. Bossòst foguèt fondada entre eth 1920 e eth 1927 (non se pòt pas precisar era data), e a tostemps jogat a França des que se fondèc pera sua proximitat geografica e sociau.
Non a cap de patrocinador, ei finance damb es quòtes des sòns apuprètz 160 sòcis e damb ajudes deth Conselh Generau d'Aran. Tanben damb era venta de numèros de loteria.
Competicion Ei era equipa principau dera Val d'Aran, sustot dempús dera desaparicion deth Vielha Club de Fotbòl (de Vielha) ath 2013. Jòguen laguens dera region d'Occitània, ath districte dera Nauta Garona, ara categoria dera division Excellence –era equivalenta a tresau catalana–, jòguen tanben era Copa de França, era competicion de mès pes dera sason, de hèt poderien quitaments arribar ena finau, mès normaument non passen dera dusau o tresau eliminatòria. Jamès non an jogat contra ua equipa dera division professionau.
Ua des principau diferéncies deth club ei era diuersitat de lengües que se parlen ath vestiari deth Bossòst –aranés, castelhan, catalan–, deth temps qu'a es equipes rivau s'i parla solament francés.
Tanben jògue era Copa de Comminges, un torneg que jòguen es clubs des divisions dera region de Comminges, a on era U.E. Bossòst jògue dempús des ans vint. Eth Bossòst a guanhat aguest trofèu en doas escadences, eth darrèr siguec eth 2007.
Era nhèu les obliguèc a jogar a França Enes prumèrs ans dera equipa, non podien pas crotzar ara auta banda dera val pes nheuadas, per aguest motiu era equipa de fotbòl dera Val d'Aran jògue a França. De hèt, enquia que non bastires eth tunèl de Vielha, non podien passar a territòri catalan pendent er iuèrn
Referéncias
Categoria:Club catalan de fotbòl