Caltanissëtta (Nissa an sicilian) a l'é na sità dla Sicilia ëd 60.355 abitant, capleugh dl'omònima provinsa.
Posission A resta ant la part superior ëd la Val dël Salso e a së stend an slë spiuvent meridional ëd Mont San Giulian.
Stòria La prima documentassion ëstòrica dla sità a armonta al perìod norman, cand ël cont Rugé d'Autavila a òcupa sò teritòri dël 1086 e a conquista ël castel ëd Perarossa, ch'a duvìa esse na sitadela àraba. A l'é parèj che, con la fondassion norman-a dël priorà ëd San Gioann, as dësvlupa la prima nos urban-a dla sità.
Caltanissëtta a l'é stàita aragonèisa e peui anfeodà ai Lancia, a j'aragonèis duca ëd Randass e ai Moncada ch'a l'han goernala për quatr sécoj.
Conomìa La sità a l'é ël sènter prinsipal dël distret ëd min-e sicilian, motobin ativ ant j'agn 1930. Al di d'ancheuj a forniss ancor na bon-a produssion ëd sorfo e ëd sal ëd potassi e magnesi, ma l'atività a diminuiss viaman për ël dovresse ëd sorgiss d'energìa neuve.
Artisanà Antra j'espression pì tìpiche ëd l'artisanà local a-i son le scolture an bòsch gravà e le siràmiche.
Leu d'anteresse Ij leu preferì da j'abitant për la spassgiada seiran-a a son cors Umbert ant la part pì antica dla sità e arlongh lèja dla Region an cola pì recenta.
Un dij mërcà pì caraterìstich a l'é col dla Pëscherìa, ch'a smon dij pess, dla vërdura, dla fruta e dij formagg tìpich sicilian.
Musé Musé archeològich munissipal.
Cese La catedral La cesa ëd San Sebastian
Aministrassion Ël sìndich a l'é Michele Campisi (dal 22/06/2009).
Sità gemelà thumb|right|200px|Ël dòm Caltanissëtta a l'é gemelà con: 20px Rochester, Stat Unì d'América
Anliure esterne Sit istitussional