Я Русин был, єсмь, и буду

Вручаніє (позад першых слов: Я Русин был, єсмь, и буду) є стих Александра Духновича. Першый раз выданый у алманахови Поздравленіе Русиновъ на годъ 1851. У 1857. році перевыданый пуд назвов «Пѣснь народна русска». Стих ся скоро по выданю поклав на музику (композитор незнамый) и зачав співати на русинськых подіях.

Текст (1851) Я Русинъ былъ, есмь, и буду, Я родился Русиномъ, Честный мой родъ не забуду, Останусь его сыномъ;

Русинъ былъ мой отецъ, мати, Русская вся родина, Русины сестры, и браты И широка дружина;

Великій мой родъ, и главный, Міру есть современній, Духомъ и силою славный, Всѣмъ народамъ пріемный.

Я свѣтъ узрѣлъ подъ Бескидомъ, Первый воздухъ русскій ссалъ, И кормился русскимъ хлѣбомъ, Русинъ мене колысалъ.

Коль первый разъ отворилъ ротъ, Русское слово прорекъ, На азъ-буцѣ первый мой потъ Зъ молодого чела текъ.

Русскимъ потомъ я питанъ был, Русскимъ ишолъ расходомъ Въ широкій свѣтъ; но не забылъ Съ своимъ знатися родомъ. —

И теперь, кто питаетъ мя? Кто кормитъ, кто мя держитъ? Самое русское племя Мою годность содержит!

Прото тобѣ, роде мой, Кленуся живымъ Богомъ, За печальный потъ и трудъ твой Повинуюся долгомъ. —

И отдамъ ти колько могу, Прійми той щирый дарокъ, Прійми вотъ маленьку книгу, И сей писменный рядокъ;

Прочее же не забуду Сердца моего скруху Пожертвити; — я твой буду, Твоимъ другомъ и умру.

Жерела и одказы Magocsi, P. R. (2005). Anthems, Rusyn national. In Magocsi P. R., Pop I. (Eds.), Encyclopedia of Rusyn History and Culture (2nd ed., pp. 5-6). Toronto Buffalo London: University of Toronto Press. Текст стиха в алманахови Поздравленіе Русиновъ на годъ 1851 Запис из 1927. року (у першуй половці) У подачи хора Славяне (Піттсбурґ, США)

Катеґорія:Русиньска література