HTML (од — «язык гипертекстового значкованя») — стандардизованый язык значкованя документов в Интернетѣ.
Де ся хоснуе Векшина веб-сторонок написана на языку HTML (або XHTML). На нем написана и сеся «Вікіпедія». Язык HTML интерпретуе ся браузерами; отриманый в резултатѣ интерпретации форматованый текст ся укаже на мониторѣ компютера або мобилной направы (смартфона, таблета).
Язык HTML е апликациов SGML (стандардного генерализованого языка значкованя) и одповѣдать межинародному стандарду ISO 8879.
Язык XHTML е вецей строгым вариантом HTML.
В Интернетѣ HTML-сторонкы, за правило, передають ся браузерам од сервера подля протоколов HTTP (простый текст) або HTTPS (кодованый текст).
Общы идеи Язык HTML розробив британскый информачный технолог Тим Бернерс-Ли приблизно в роках 1986—1991. HTML мав быти языком про обмѣн научнов и техничнов документациев. HTML успѣшно обышов проблему компликованости SGML тым способом, же вычленив з него невелику множину структурных и семантичных елементов — дескрипторов. Дескрипторы тыж часто называють «тегами». З помочов HTML мож легко створити односно простый, але про Интернет добрѣ оформленый документ. Окрем упрощѣня структуры документа, в HTML додали подтримку гипертекста. Мултимедийны можности додали в далшых верзиях.
Од зачатку язык HTML быв задуманый и твореный як средство структурованя и форматованя документов без их привязкы ку конкретным средствам одображѣня. В идеалѣ, текст зо значками HTML мав быв без стилистичных и структурных деформаций одобразити ся на обладунку з розличныма техничныма можностями (фаребный монитор модерного компютера, монохромный екран органайзера, малый екранчик мобилного телефона и др.). Авшак сучасне розвитя HTML барз далеке од его зачаточной задачи. З часом основна идея платформонезависимости языка HTML была принесена в жертву сучасным потребам в мультимедийных и графичных апликациях.
Браузеры
Текстовы документы, означкованы на языку HTML (такы документы традично мають росширѣня .html або .htm), обробляють ся специалныма апликациями, котры одображують документ в его належном форматованом видѣ. Такы апликации, называны «браузерами» (browser) циже интернетовыма переглядачами, обычайно дають хоснователю выгодный интерфейс про выжаданя веб-сторонок, их пересмотра (респ. печатаня, копированя) и, при потребѣ, посыланя введеных хоснователем податок на сервер. Найвеце популарны наднесь браузеры суть Google Chrome, Mozilla Firefox, Opera, Internet Explorer и Safari (см.графикон). Жебы интернетовый переглядач мог адекватно одобразити HTML-документ, в зачатку каждого такого документа мать быти зазначена верзия (стандард) языка, подля котрого складеный тот документ.
Верзии языка HTML 0.9; RFC 1866 — HTML 2.0, одобреный як стандард 22.09.1995; HTML 3.2HTML 3.2 Reference Specification — 14.01.1997а; HTML 4.0HTML 4.0 Specification — 18.12.1997; HTML 4.01Спецификация HTML 4.01 (изменения, причём более значительные, чем кажется на первый взгляд) — 24.12.1999; ISO/IEC 15445:2000ISO/IEC 15445:2000(E) ISO-HTML (так званый ISO HTML, основаный на HTML 4.01 Strict) — 15.05.2000; HTML5HTML5 W3C Recommendation — 28.10.2014; HTML 5.1 е в розроблѣню од 17.12.2012 Зачаток розробкы верзии 5.1 W3CHTML 5.1 W3C Working Draft 17 December 2012. Рекомендация з 1.11.2016HTML 5.1 W3C Recommendation.
Официална спецификация HTML 1.0 не екзистуе. До рока 1995 было даколько неофициалных стандардов HTML, зато обы стандардна верзия оддѣляла ся од них, ей нараз дали число два.
Жерела Э. Фримен, Э. Фримен. Изучаем HTML, XHTML и CSS = Head First HTML with CSS & XHTML. — П.: «Питер», 2010. — 656 с. — . Эд Титтел, Джефф Ноубл. HTML, XHTML и CSS для чайников, 7-е издание = HTML, XHTML & CSS For Dummies, 7th Edition. — М.: «Диалектика», 2011. — 400 с. — . Питер Лабберс, Брайан Олберс, Фрэнк Салим. HTML5 для профессионалов: мощные инструменты для разработки современных веб-приложений = Pro HTML5 Programming: Powerful APIs for Richer Internet Application Development. — М.: «Вильямс», 2011. — 272 с. — . Стивен Шафер. HTML, XHTML и CSS. Библия пользователя, 5-е издание = HTML, XHTML, and CSS Bible, 5th Edition. — М.: «Диалектика», 2010. — 656 с. — . Фримен Эрик, Фримен Элизабет. Изучаем HTML, XHTML и CSS = Head First HTML with CSS & XHTML. — 1-е изд. — М.: «Питер», 2010. — С. 656. — .
Референции Катеґорія:Компютеры і інтернет