Мирон Жирош (1. юн 1936, Руски Керестур, Сербия — 29. новембер 2016, Казинцбарцика, Мадярщина) — руськый историк, публициста, педагог и новинарь, активный популаризатор истории бачванскых Русинох.
Биография Мирон Жирош родив ся в Руськом Керестурѣ. По закончѣню учительской школы в Зомборѣ (1953) быв учительом в Дюрдьовѣ, а пак в Руськом Керестурѣ (од 1957). На штипендии од тамошного кооператива Русин закончує Высшу управну школу в Новом Садѣ (1959–1961). По дипломованю е правником кооператива, пак его управительом, але робить и як новинарь Руського слова (1961–1962) и его редактор (1962–1963). Року 1965 переселять ся до Нового Саду. Робить як педагог и штудуе на Правной факултѣ як позарядовый штудент. Од року 1966 на Радио Нови Сад робить яко новинарь. Року 1969 дипломовав на Правной факултѣ в Београдѣ. Наслѣдком автогаварии мусѣв одыйти на передчасну пензию (1991). Одтогды жив переважно в Казинцбарцицѣ, де и умер во вѣку 80 рокы.
Творба Од пензионованя главным напрямом его интересох была социално-економична история и демография Русинох Бачкы и Срѣма. Много раз бывав на Горницѣ, в краях одкы переселяли ся предкы Русинох на новы землѣ. Его важнѣйша робота то 7-томна монография Бачванско-сримски Руснаци дома и у швеце (Нови Сад, 1997–2009). Книжны выданя суть тоты Погляди до прешлосци (Нови Сад, 1995; исторично-документалны статьи) Жива Горнїца» (Будапешт, 1996) Мили сину мой (Нови Сад, 2002; о Русинах в Аргентинѣ, США и Канадѣ) Надїя под цудзим небом (Мишколц, 1997; поема-хроника) Бачванско-сримски Руснаци дома и у швеце (Нови Сад, 1997–2009; 7-томна монография) Окрем того великое множество статей, рефератох, главнѣ историчных, путьовых записок, репортажи, беллетричных творох появив през часописы и радио.
Жерела Мирон Жирош – хронїчар рускей души. Био-библіографийни указатель творчости. Нови Сад, 2006.
Одказы Мирон Жирош // Руске Слово Дюра Латяк, На здогадованє: Мирон Жирош (1936-2016), вебсайт Союзу Руснацох Українцох Сербиї, www.rusuk.org. М.Мушинка: Мирон Жирош // Енциклопедія сучасної України
Катеґорія:Русиньскы історіци Катеґорія:Русиньскы новинаре Катеґорія:Русиньскы педаґоґы Катеґорія:Руски Керестур