Автоматична телефонна стация (локална централа) — аппаратура, што забезпечуе автоматичне (без участи оператора або телефонисткы) споеваня и подтриманя телефонной звязи межи абонентами, властниками телефонных аппаратов, факсов и др. Обычайно така стация е узлом дакоторой телефонной сѣти — тогды она забезпечуе споеваня и подтриманя телефонной звязи зо вшиткыма абонентами сѣти — и своей локалной централы, и другых узлов сѣти. Автоматична телефонна стация мать функции такы, як и телефонный коммутатор, але е сполягливша, скорша и тунша в експлуатации.
Функции и фунгованя Стация роспознавать сигнал инициации воланя од абонента, коли он здойме слухавку, або натискне гомбик воланя. Подасть тому абоненту сигнал готовости до приниманя од него управляючой информации (звычайно непрерывне писканя); Прийме информацию о выволеном номерѣ, коли абонент крутить циферник або натискать гомбикы. Затямить зволеный номер. Найде и выбере доступну линию звязи од едного абонента до другого (кедь то абонент той самой централы), або до канала в напрямѣ локалной централы вызываного абонента. Кедь доступных линий не е — верне сигнал вызываючому абоненту (обычайно часте прерывисте писканя, которе зачне звучати даколи уже в серединѣ выволѣня номера). Забезпечить коммутацию, циже споѣня выбраной доступной линии звязи, и далшый контакт абонентов. Передасть сигнал вызова вызываному абоненту (прерывисты писканя его телефонного аппарата). Едночасно вызываючому абоненту зашле контролный сигнал посланого вызова. Забезпечить розговор вызваного абонента, по знятю ним слухавкы свого телефонного аппарата, або натискнутю гомбика принятя вызова. Прийме сигнал розрыва споѣня от едного з абонентов, коли тот покладе слухавку або натискне гомбик конця говора. Ослободить линию и зафиксуе час говора, кедь е тарификованый. История Перву идею телефонного коммутатора подав мадярскый вынаходник Тивадар Пушкаш (1877) .Alvin K. Benson (2010). Inventors and inventions Great lives from history Volume 4 of Great Lives from History: Inventors & Inventions. Salem Press. p. 1298. Первый патент на автоматичну телефонну стацию, US Patent No. 447918 10/6/1891, быв выданый уже через 11 рокы по появѣ ручных коммутаторов, року 1889, америцкому вынаходнику Елмону Стровджеру, котрый придумав и телефонны аппараты з дисковыми циферниками.
Жерела SLOBODA, Jaroslav, et al. Telekomunikačná technika, Diel 2. : Prenos dát, spojovacie a prenosové systémy. 1. vyd. Praha : Hüthig & amp; Beneš, 1999. 142 s. ((ISBN| 80-901936-4-109258456126}} Референции
Катеґорія:Телекоммуникация