Мише́л де Нострда́м (), найчастѣше латинизовано Нострада́мус (Nostradamus; * 14. децембер 1503, Сен-Реми-де-Прованс, Франция – † 2. юл 1566, Салон-де-Прованс) — французскый дохтор, астролог и поет, широко познатый своима предповѣдями будучности.
Биография
Року 1518 иде до Авиньона, намѣряючи учити ся так званый тривиум — грамматику, реторику и логику, а пак квадривиум — геометрию, аритметику, музыку и астрологию. Уж року 1519 там пришла чума, и мусѣв лишити науку, але намѣрив стати ся дохтором и зачав гледати жерела, студовати лѣчебны ростины и способы. Од року 1529 студуе медицину на универзитѣ Монпелье. В часѣ студий там ся доставать до конфликту з поводу острых выречень о профессорах и свого интереса о заказану тогды фармацевтику. Ишло аж о выказаня з универзиты.Robert Benazra. Biographie de Michel de Nostredame Року 1534 зыскуе докторат и одтогды ся именуе на латинскый способ: Nostradamus. Первый раз добыв собѣ славу вынаходливым хоснованьем лѣков и новых лѣчебных поступов при чумовых морах в роках 1545–1547. Року 1547 в Салон-де-Прованс оженив ся з богатов вдовов Аннов Понсард, з котров мав шестеро дѣтей: три дѣвкы и три сына.Leroy, p.110–133. Его дом в том городѣ, в котром он и умер, заховав ся доднесь. Его слава дошла до краля и зыскав у него приязень. Року 1560 достав Нострадамус пост кралевского дохтора од Карла IX.
Пророцтва Первое пророцтво, зробив Нострадамус року 1538, коли стрѣтив монаха зо стадом свинь и ословив го „Ваша Святость“. Тот монах быв Феличе Перетти (1521–1590), а року 1585 зостав выбраный на Папу и взяв имя Сикстус V. Другое пророцтво Нострадамуса збыло ся еще за его живота: „Младый лев побѣдить старого на боевом поли в особном двобою. Пропихне му очи в золотой клѣтцѣ, двѣ раны нараз, а пак умре крутов смертьов.“ За рок до смерти краля Генриха II. Нострадамус му межи иншым писав:
О рок позднѣйше краль умер од двоитой раны одломками копии, котра ся зломила при ударѣ о кралёвы бронѣ и пропихла му раз чоло, а другый раз око. По смерти краля пророцтво Нострадамуса зачали розумѣти, и принесло му еще векшу славу.
Пророцтва Нострадамуса много раз перевыдавали ся и трактовали ся. Астрологы и ясновиды и днесь находять пророцтва Нострадамуса цѣнным жерелом про свою профессию.
Католицка Церковь року 1781 засудила пророцтва Нострадамуса. Официална наука поважуе тоты пророцтва за обычайный прояв середновѣкой мистикы и бабонства. Первым наремным критиком Нострадамуса быв уже его учитель, дохтор Скалигер, котрый твердив, же тоты пророцтва суть купов лжи и выгадок. Изгодя слово „нострадамус“ стало ся высмѣшным апеллативом зо значѣньем: ворожиль, маг, астролог.Nostradamus. In: Dictionnaire de français Littré [online]. 2010 [cit. 24. 11. 2016]. Доступно на: http://littre.reverso.net/dictionnaire-francais/definition/nostradamus
Одказы Обкладка первого выданя Пророцтв Апеллатив „нострадамус“ во французском словнику
Жерела Fekete Sándor Pál: Nostradamus titokzatos könyve: A Próféciák. Média Kiadó, 1991. Leroy, Edgar. Nostradamus: Ses origines, sa vie, son oeuvre. Jeanne Laffitte. 1993. Петров В., Разумов И. Датировка катренов Нострадамуса и акварелей Потерянной книги. Издательство Д.Стрельбицкого, 2015.
Референции
Катеґорія:Астрология