Долиняне — найвекша етнографична група карпатскых Русинох, найдавнѣйше осаджена в южном подножу КарпатПоп И. и выразнѣ иншака в поровнаню зоз сосѣдныма групами (Гуцулами, Бойками, Лемками),Bonkáló Sándor. в украинской и российской историо- и етнографии поважована за Украинцьох.Бойко И. А..
Назва
Назва долиняне, або долешане, síklakók обывателе низины, DoľňaneMagocsi, Paul Robert. ясно указуе на долину. Звыразнено выступать то в антонимичной парѣ Doľňane a Verchovynci, або síklakók és hegylakók долиняне и верховинцѣ.
Назва Долиняне ся в российской и украинской историографии и етнографии до самого послѣдного часу не поуживала: з идеологичных мотивох была выгодна и утримована тричленна схема Лемкы – Бойкы – Гуцулы, котра одповѣдать реалиям на сѣверной сторонѣ Карпат и мовчано сугеруе, же на южной сторонѣ не екзистуе нич инше лем продовжѣня того.
История
Долиняне суть основны носителѣ русинской самобытности. Тота часть русинского обывательства уже в IX. – X. сторочах через географичны и политичны условия была одокремлена од восточнославянского масива и прилучена ку односинам и културным вплывам Дунайского базена, а од конця XI. стороча их територия была интегралнов частьов Мадярского кральовства. Иншакы историко-културны процесы стали ся важным фактором етно-културного вывою долинян: они набыли вецей сполочного в културѣ, историчных скушеностях, нормах справованя, родинном и газдовском животѣ зоз сосѣдныма народами, з котрыма жили в едной державѣ, неж з языково суродныма восточныма славянами. В добѣ народностной оброды народох Середньой Европы в XIX. сторочу якраз меджи долинянами взникло и розмогло ся усвѣдомлѣня окремой русинской идентичности, котре политично достало форму жаданя автономии.
Подля Ш. Бонкала, долиняне, окрем на цѣлы стороча скоршого часу осаджѣня в Подкарпатю, одличують ся од сосѣдных русинскых груп тыж похождѣньом: языковы особитости указують, же их корѣня найвѣроятнѣйше в Подолю и волынском Полѣсю. Иншый быв и путь их прихода на Подкарпатя: аж до XVIII. стороча церковно были звязаны з Молдавиов, што нияк иншак не мож объяснити, лем так, же од тых сторон приходили. Верховинскы же групы доставали своих попох од Галича и одты ай переходили до Подкарпатя. Границя меджи нима иде примѣрно за линиов Луг, Воловое, Березникы, Перечин, Гуменне.
Днешность Долиняне не суть цѣлком гомогенна група: найвыразнѣйшы роздѣлы указують ся у долинян бывшой жупы Мараморош (на восток од Хуста) — в архитектурѣ, организации двора, ноши, орнаментах, музичном фолклорѣ, кухни — суть то вплывы румынскы и балканскы. Долиняне на запад од Хуста во своей културѣ достали силны вплывы мадярскы, а в долинѣ Уга и восточной Словакии — словацкы.
Жерела и одказы Bonkáló Sándor: A síklakók (dolisnyánok) //Bonkáló Sándor: A rutének (ruszinok) — Bp.: Franklin társujlat kiadása, 1940 Сс. 70–74. Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. Str. 25. Поп, Иван: Долиняне. // Иван Поп: Энциклопедия Подкарпатской Руси. — Ужгород: Изд-во В.Падяка, 2001. — 431 с. Cc. 161–163.
Референции
Катеґорія:Етнічны ґрупы