СМЕРШ (куртанка од «Смерть шпионам!») — назва трех независимых окремых контрарозвѣдковых организаций в СССР в часѣ Другой свѣтовой войны.
Цѣль, створѣня и час дѣяня В первы тыжднѣ по зачатку Другой свѣтовой войны фронт драматично посував ся в глубину СССР, з чим появила опасность прониканя вражой агентуры. Окрем того появило ся дезертерство в войску. Уже в первы тыжднѣ войны вышла постанова Державного Комитета Обороны, подписана Сталином (№ ГКО-187/сс з дня 17.07.1941), яка створила Особенны Оддѣлы НКВД, а их офицеры, так званы «особисты» достали главну задачу — бороти ся з шпионажом, дезертерством в прифронтовой смузѣ — и надзвычайны права арештовати каждого трафеного, аж и розстрѣляти на мѣстѣ чину.Постанова ГКО-187/сс В апрѣлю и маю 1943 на основѣ Особенных Оддѣлов створили контрарозвѣдку СМЕРШ окремо в Наркоматѣ Обороны, Наркоматѣ Военно-морского флота и в НКВД.Енциклопедія історії України, т.9, сс.668-669. До задач додала ся борьба из зрадниками, паникерами, антисовѣтскыми елементами и филтрация военных, котры вертали ся з нѣмецкого заятя. Зона дѣяня СМЕРША од фронта росширила ся теперь и на тылы и на территории, выслобожены з оккупации. На территориях чужых держав СМЕРШ справовав ся так, як на своей территории. Филтрация репатриантов завершила ся в року 1946, з тым и СМЕРШ закончив свое дѣяня."СМЕРШ": контрразведка или орудие репрессий?
Резултаты роботы
По данным Никиты Петрова, научного сотрудника центра «Мемориал» (Россия), особисты и органы СМЕРША арештовали в рр. 1941 аж 1945 около 700 тысяч людей, из котрых были розстрѣляны 70 тысяч. Векшину арештованых, котры перейшли филтрациов и вываровали ся од розстрѣла, спровадили в лагры, стандардный присуд — на 25 рокы. Окрем того, на территории Германии и Польщи были захранены фашистичны концлагры, а в них теперь уже держали „противников социалистичного выбора“."СМЕРШ": контрразведка или орудие репрессий?
В януарѣ 1945 в Будапештѣ в Мадярщинѣ заарештовали шведского дипломата Раула Валленберга, якый в часѣ нацистичной оккупации, через дипломатичны каналы вывозив Жыдов, спасаючи их од концлагров, а позднѣйше сам дипломат пропав десь в совѣтскых арештах. В маю 1945 в Празѣ в Чехословакии арештовали и вывезли до Москвы бывшого президента Карпатской Украины А. Волошина.Енциклопедія історії України, т.9, сс.668-669.
СМЕРШ в подкарпатской и украинской литературѣ Павло Загребельний. В-ван! Николай Синевирский. СМЕРШ. Год в стане врага Владимир Танчинець. Переправа.
Жерела и одказы Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2013. Марьина В.В. Закарпатская Украина (Подкарпатская Русь) в политике Бенеша и Сталина. 1939–1945 гг. М. Новый хронограф. 2003. "СМЕРШ": контрразведка или орудие репрессий? (русс.)
Референции
Катеґорія:Друга світова война Катеґорія:Органы безпекы