Межгорскый район () — бывша административна единка на сѣверѣ Закарпатской области Украины з центром в Межгорью. До рока 1953 район мав стару назву: Воловскый округ.Тронько, с. 351 В року 2020 ликвидованый и прилученый ку Хустскому.
Обывательство В районѣ подля списованя-2001 жило 49.9 тыс людей, з них 99.1% Украинцѣ.Про кількість та склад населення Року 2016 в районѣ жиють 47.959 тыс людей, з них в райцентрѣ — 9.607 тыс., в селах — 38.352 тыс.Чисельність наявного населення
История и културны памяткы Через Торуньскый переход (вышка — 931 м), што днесь находить ся над селом Торунь, проходив давный путь из Руси на Угры. Еще до заселѣня края, понад 1000 рокы тому, тут часто стрѣчали ся зо своима товарами русскы и мадярскы торговцѣ.Тронько, с. 340 Теперь ту проходить автодорога Долина — Хуст. Южный склон перехода прикрый, автодорога иде серпентинов, а сѣверный — легко спадистый. Снѣг лежить ту од януара по апрѣль.
В XІІІ. вѣку территория прилучена под мадярску кралевску администрацию в составѣ жупы Мараморош. Заселѣня территории з причины горского и лѣсистого характера зачало ся онь в XV. вѣку.
В селах района сохранили ся высше десяткы деревяных церков, выставленых в XVIII. вѣку.Советское Закарпатье, с.218Поп И.И., Поп Д.И., сс. 121–130 У горскых районах ставили шатровы тризрубовы вецеярусны церкви. Така характерна деревяна памятка XVIII. ст. е у селѣ Верхный Студеный.Тронько, с. 22
В рр. 1931 аж 1936, в районѣ частым гостьом быв писатель з Чех Иван Олбрахт, што на мѣстном материалѣ написав роман Никола Шугай, розбойник (1933) добрѣ познатый читателям и на Украинѣ, де опубликованый в товмачѣню. Роман росповѣдать романтичну историю о розбойникови, свого рода карпатском Робин Гудови, котрый "од богатых брав, а худобным роздавав". Память писателя и его литературного героя хранять музеи в селѣ Колочава, недалеко од районного центра.
Продукция Традичны конарѣ продукции суть скотарство, лѣсное господарство, земледѣлство (главна култура — кромплѣ), потравинова продукция (сокы, вина, масло, сыр), збор грибов.Тронько, с. 352 Розвой района гамуе тот факт, же не е туй желѣзницѣ, ай дорогы ненайлѣпшы. Про то, же район мать жерела минералной воды и е екологично чистый, все векшу вагу доставать купельництво и туристика.
Жерела Поп И.И., Поп Д.И. В горах и долинах Закарпатья. Изд-во "Искусство". Москва. 1971. Советское Закарпатье. Справочник-путеводитель. Изд-во "Карпаты". Ужгород. 1968. Тронько П. и др. (ред.) Історія міст і сіл України. Закарпатська область. К. 1969. Чисельність наявного населення України на 1 січня 2016 року. Державна служба статистики України. Київ, 2016.
Одказы Про кількість та склад населення Закарпатської області (2001) Санатории и туристичны базы района Межгорье. Сайт Межгорского района
Референции
Катеґорія:Бывшы районы Закарпатской области