Новоселиця (мад. Sósfalu, рум. Dumbrava) — село в Виноградовском районѣ Закарпатской области.
Полога и околиця Село находить ся на одстояню 22 км од Виноградова и 8 км од желѣзничной штации Королево. Главны занятя селян — садовництво и винарство.Тронько П., с. 245 В околици на на каменистых убочах суть великы плохы деренок (Cornus sanguinea). Над селом выпинать ся верх Фрасин (826 м) на румынско-украинской граници, доминанта цѣлого району.
Обывательство Року 1969 Новоселиця мала 1371 обывателя.Тронько П., с. 245 Року 1910 в селѣ были 558 обывателе, з них Русины — 492, Нѣмцѣ — 62. Грекокатоликы были 496, израелиты — 62. A történelmi Magyarország Року 1930 обывательох было 746, з того 657 — Русины, 84 — Евреи, 1 — Мадяр, 4 — чужоземцѣ. Грекокатоликох было 358, православных — 303.Достал Я., с. 209
Днешность села В селѣ уже року 1969 быв краеписный музей.Тронько П., с. 245 Днесь в будовли бывшой фары фунгуе етнографичный музей, де зобраны понад 200 експонаты, звязаны з културов Волохох. В режимѣ музея доступна тыж про навщѣвы Успенска церковь XVII. ст.
Влѣтѣ каждорочно одбывать ся фолклорный фестивал «Волошскы стравы». Фолклорный фестивал «Волошскы стравы».
История На территории теперѣшного села нашли неандерталску стоянку з ранного палеолита (60–50 тыс. рокы стару). Перва упоминка о селѣ в историчных документах — рок 1351.Федака С., сс. 154–155 В дакотрых жерелахТронько П., с. 245 говорить ся о значно позднѣйшом основаню села, але тота хыба походить з того, же село было закладеное як новоселиця в готарѣ села Черна (мад. Csarnatő) и называло ся Csarnatőújfalu (Чорнянска новоселиця), под таков назвов в року 1372 село уже екзистовало. Стара мадярска назва обох сел тыж свѣдчить, же закладателѣ были Русины. Позднѣйша назва Sós-Újfalu (Соляна новоселиця) была року 1899 вымѣнена на Sósfalu (Соляное село), тоты двѣ назвы зась свѣдчать, же в околици были ропляны колодязѣ и обывателе могли выварьовати соль. В рр. 1654–1656 выставили готичну деревяну Успенску церковь.Поп И., Поп Д.., сс. 81–82 Церковь мать довжку 14 м и вышку турнѣ 25 м, турня мать декоративное подсябитя. З югозападного боку при церковли деревяна звонниця того ж вѣку.Федака С., сс. 154–155 Церковь была реставрована в рр. 1979–1980.Достал Я., с. 209 Главна цѣнность храма — его стѣнописы з року 1662. Найвеце интересный «Рай», зображеный як ренесансный каштель з турнями и стрѣлницями.Поп И., Поп Д.., сс. 81–82 До Трианона (1920) село належало ку Затисянскому округу жупы Угоча. Року 1925 выставлена грекокатолицка камяна церковь Успения Пр. Богородицѣ.Достал Я., с. 209
Жерела A történelmi Magyarország atlasza és adattára 1914 Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Поп И.И., Поп Д.И. В горах и долинах Закарпатья. Изд-во «Искусство». М., 1971. Тронько П. и др. (ред.) Історія міст і сіл України. Том 7. Закарпатська область. К. 1969 Федака, Сергій. Населені пункти і райони Закарпаття. Історично-географічний довідник. "Ліра". Ужгород, 2014. .
Одказы Деревянная церковь в селе Новоселица Новоселицка церковь на сайтѣ «Закарпаття онлайн» Референции
Катеґорія:Села Україны Катеґорія:Населены пункты Украины Катеґорія:Населены пункты Закарпатской области