Антоний Андрѣев Бобульскый (*5. август 1877 Краков, Австрийска империя – †1951, Ужгород(?)http://esu.com.ua/search_articles.php?id=35689 тота информация найконкретнѣйша, але не потверджена жадным иншым жереломМагочій П.Р., Поп І., с. 57.) — писатель, драматик и выдаватель на Подкарпатской Руси.
Биография Родив ся в Краковѣ, гимназию закончив в Перемышлю. Переѣхав до Ужгороду и в роках 1896–1907 робив в печатни Йегера, котра од рока 1907 перешла у властность Юлия Фелдешия. В року 1918 зачав активну новинарску, выдавательску и писательску чинность. Зачав з выдаваньом новинкы Карпаторусскій вѣстникъ, партийного органа Подкарпатского земледѣлского союза але по трьох числах тото зохабив. Обновив выдаваня новинкы в роках 1920–1924. Року 1924 опубликовав свою, ачей, найпопуларнѣйшу книжку о воякови-саботерови Давидови Шрапнелу з иллустрациями Йосифа Бокшая, котра была иншпирована Швейком Ярослава Гашека.Военныя события Давида Шрапнеля и Ивана Пѣвчука. Написалъ: Антоній Бобульскій. Первая часть. Изданіе Культурнаго отдѣленія Общества «Карпаторусскій орелъ». Ужгородъ. Книгопечатня Юлія Фелдешія. 1924. В 1930-х роках быв директором печатнѣ Юлия Фелдешия и активно выдавав туню брожурову литературу, назначену простому народови: детективкы, гумор, пьесы (звекша едноактовкы) про сельскы театры, календарѣ. В културном животѣ Подкарпатя в чехословацкый период Антоний Бобульскый входив в число найпознатѣйшых авторох.Magocsi P.R., c. 261. О послѣдных роках его живота нич не знати. Иван Поп подавать, же вернув ся до Польщи, а умер, як пише он и веце авторох, десь зачатком 1950-х.Иван Поп, с. 97.
Характеристика творчости Антониови Бобульскому яко прибышови з Лемковины упали в око в Ужгородѣ многочисленны розликы межи русинскыма диалектами, языковы сперекы, и добрѣ порозумѣв причины так званого «языкового вопроса», росцвѣвшого буйным цвѣтом на Подкарпатской Руси од року 1919. Не включав ся в тоты споры, перенесены восточныма иммигрантами в Подкарпатя, але твердо держав ся будительской традиции, приближаючи ся постепенно ку народному языкови, щедро включаючи простонародну лексику в основу свого выкладу. В подкарпатской литературѣ быв цѣненый главнѣ яко драматик, литературознатель Е. Недзѣльскый в солидной монографии Очеркъ карпаторусской литературы (1932) ани го не споминать.
Пьесы А. Бобульского были любены не лем на Подкарпатю, але выставовали их и аматерскы театры на Пряшовщинѣ.Богдана Марець.
Автор старать ся передо вшыткым о динамичный сюжет, интригу, але не барз старать ся о чистоту языка, не сторонить ся од хоснованя русскых, украинскых и польскых слов, але там, де ся здогадуе о можном непорозумѣню, помагать тому мѣстныма словами. Се было привычно про мѣстне многоязычне окружѣня, але падало в око яко дикость про украинского имигранта, дѣятеля украинского театра. Ни, як схарактеризовав язык А. Бобульского Г. Игнатович, актер, режисер, заслуженый артист Украины.
Иншый анонимный критик з той самой стороны критизуе репертоар Земского театра Подкарпатской Руси, котрый складали «недостаточны, неграмотны переклады з чешчины и русчины и жаргонны тутешняцкы пьесы А. Бобульского.Гнат Ігнатович. Від гасниці до рампи. С. 253.
В Закарпатской Украинѣ зачаточно были пробы вернути в репертоар театрох «тутешняцкы пьесы», в том числѣ и А. Бобульского, але по ей ликвидации тоты пробы были дефинитивно задавлены..Гнат Ігнатович. Від гасниці до рампи. Сс. 281–282.
Библиографичный список пьес А. БобульскогоУгро-русскій театръ, сс. 103–104. Вырывок, дотычный А. Бобульского, з общой библиографии, яка в жерелѣ названа: «БИБЛІОГРАФИЧЕСКІЙ СПИСОКЪ театральныхъ пьесъ, написанныхъ угро-руссами или для угро-русскаго театра.» В список включены лем опубликованы пьесы. Великое число пьес были играны на сценѣ, але не были опубликованы. Список поданый в оригиналном правописѣ. Уйко изъ Америки, весела игра въ 3-хъ дѣйств., изд. Подк. Земл. Союза, Ужгородъ, 1922, стр. 48; ІІ-ое изд. 1937. Кандидатъ, весела игра въ 1 дѣйствіи, изд. Подк. Земл. Союза, Ужгородъ, 1923, стр. 16. Чіи долляры? Весела игра въ 1 дѣйств., изд. Подк. Земл. Союза, Ужгородъ, 1925, стр. 28. Нѣмая невѣста, пьеса въ 1 д, изд. О-ва Духновича, Ужгородъ, 1932, стр. 24. Держися даннаго слова, весела игра въ 1 д., изд. Подк. Земл. Союза, Ужгородъ, 1925, стр. 16. Въ святый вечеръ, пьеса въ 2-хъ д., изд. О-ва Духновича, Ужгородъ, 1930, стр. 24. Верховинская кровь, пьеса въ 3-хъ д., изд. О-ва Духновича, Ужгородъ 1929, стр. 48. Пастырская игра, въ 1 д., изд. О-ва Духновича, Ужгородъ, 1930, стр. 8. Мессія, пьеса въ 3-хъ д., изд. О-ва Духновича, Ужгородъ, 1930, стр. 32. Царевичъ Альфонсъ, пьеса въ 5 д., изд. О-ва Духновича, Ужгородъ, 1932, стр. 32.
Повѣданя А. Бобульского В едиции Дешева библіотека Антоний Бобульскый на жаданя властника выдавательства Юлия Фелдешия написав 20 повѣдань. Выдаватель не скрывав, же е то шунд-литература.
Немилосердная царевна Ксенья Вѣдьма или проклятая дѣвушка Тайная крыпта Паршивка Сын Люцифера Спаситель села Чорна рука Иоанн Витязь Чортовскій мост Ицик Барух Два неприятели Ужасный сон Хата в лѣсѣ Людоѣд Блудящій Голландец Кораблекрушеніе Али Баба Страшилище села Искры Таинства магии
Фолклорны записы Окремым несистемным пунктом в творчости А. Бобульского стоять фолклорны записы. Русска свадьба или рѣчи для сватовъ (старостовъ) и дружбовъ и свадебны пѣснѣ. Собралъ Антоній Бобульскій. (Дешева библіотека. Число 22) Цѣна 5 кор. Ужгородъ. Книгопечатня Юлія Фелдешія. 1926. Пѣснѣ надгробныя съ парастасомъ. Собралъ Антоній Бобульскій. Второе изданіе. Ужгородъ. Изданіе Юлія Фелдешія. 1926. (Выдано старославянсков азбуков).
Иншы брожурыРекламна вкладка Сочинения А. Бобульского од фирмы Julius Földeši, Užhorod — в романѣ Сирота Миша. Русская свадьба (рѣчь дружбов) Военныя события Давида Шрапнеля и Ивана Пѣвчука Сонник или толкование снов Сирота Миша (роман)
Жерела и одказы Magocsi, Paul Robert. Chrbtom k horám. Dejiny Karpatskej Rusi a karpatských Rusínov. UNIVERSUM-EU. Prešov, 2016. Ігнатович, Гнат. Від гасниці до рампи. Нариси з історії украінського театру на Закарпатті. Книга перша. Ужгород, Ліра, 2008. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. Марець, Богдана. Бобульський Антоній. //Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. С. 47. Недзѣльскій, Евгеній. Угро-русскій театръ. Типографія «Уніо» Георгія Миравчика. Ужгород, 1941. Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с.
Референции
Катеґорія:Русиньскы писателї Катеґорія:Русинскы драматици Катеґорія:Русскоязычны писателе