Александр Григорович Лукашенко, (; 30. август 1954, Копысь, БССР, СССР) — дѣючый президент Бѣлоруси, главный велитель Збройных сил Бѣлоруси, рядитель Рады Безпекы, Предсѣдник Найвысшой Рады Союза России и Бѣлоруси (1997). Президент Олимпийского комитета Бѣлоруси (1997).
В резултатѣ того референдума зыскав Лукашенко векшу моц, включно правомоци роспустити Найвысшу Раду. Далшый референдум в року 1996 му додав еще веце моци. Лукашенко одтогды стоить на челѣ авторитарской влады и е часто означованый за „послѣдного диктатора в Европѣ“. Меджинародны позорователѣ не поважовали бѣлорускы вольбы за слободны и справедливы, из вынятком його першого витязства. Окрем того влада твердо притискать опонентох и ограничуе слободу медий. То наконець вело даколько западных влад к увалѣню санкций на Лукашенка и далшых бѣлорускых урядникох.COUNCIL IMPLEMENTING REGULATION (EU) 2020/1648 of 6 November 2020 implementing Article 8a(1) of Regulation (EC) No 765/2006 concerning restrictive measures in respect of Belarus Лукашенковому спорному витязству в президентскых вольбах в року 2020 передходили обвинѣня з манипулации волеб, што зосилнило противладны протесты, найвекшы за його влады. В резултатѣ того Европска уния, Споене Кральовство и Споены Штаты Америцкы перестали по спорных вольбах узнавати Лукашенка за легитимного президента Бѣлоруси.Dave Lawler, U.S. no longer recognises Lukashenko as legitimate president of Belarus , Axios (24 September 2020). Лукашенко зостав при моци, што наконець вело к обновѣню часточных дипломатичных одношѣнь. Його поновне зволѣня в президентскых вольбах в року 2025 опозиция и Европскый парламент означили за фикцию.
Така изолация од части Западу, особенно в Путиновой ерѣ, звышила його зависимость од России, из котров Лукашенко удержовав близкы одношѣня уж ай наперек минулым напятьом, як была наприклад тзв. „молочна война“ в року 2009, або одмѣтнутя Бѣлорусьов вызнаня независимости републик Абхазия и Южна Осетия в резултатѣ российско-грузинской войны. Лукашенко одограв ключову роль при вытворѣню Унии, котра уможнила Бѣлорусам и Русам вольно путовати, працовати и учити ся меджи обома краинами.
Молоды рокы Александер выростав без отця, мати му была доичка на фармѣ. В школѣ быв тяжкый ученик, а мала го в евиденции милиция.Лукашенко признался, что в школьные годы стоял на учете в комнате милиции русс. Року 1975 абсолвовав Могильовскый пединштитут, фах история и сполоченскы наукы. Року 1977 оженив ся з Галинов Жавнярович, з котров ся спознав в старшых класах школы. Року 1985 абсолвовав Бѣлорусску земледѣлску академию, фах економия и организация земледѣлской выробы.
В роках 1975-1977 и 1980-1982 служив во войску. Од року 1979 став ся членом комунистичной партии и служив на партийных и ведучых постах во войску, ставебництвѣ и земледѣлствѣ.
Политична карьера
Року 1990 быв выбраный за посланця Найвысшой Рады Бѣлоруси. В року 1991 поставив ся против политикы Горбачова и против роспаду СССР. Од року 1994 — Президент Бѣлоруси. Зыскав собѣ воличох обѣцяньом покласти конець злодѣйской приватизации, економичным аферам, и утримовати политичну и економичну кооперацию з Россиев.
Одтогды быв выбераный на тот пост еще четыри раз (2001, 2006, 2010, 2015), понеже року 2004 одбыв ся референдум, котрым была з Конштитуции одстранена клаузула о найвецей двох президентскых каденциях. Законность того референдума не вызнали США и Европска Уния.
На послѣдных вольбах достав 83,4% голосох воличох, што стало ся найлѣпшым резултатом за вшыткы пять волебных кампаний.
Критика Лукашенка Политика Лукашенка была остро критикована на Западѣ за то, же не слѣдуе западным штандартам в организации економикы и додержаню сполоченскых и приватных слобод. Од року 2006 Запад даколько разы увальовав на Бѣлорусию и персонално Лукашенка санкции. Але року 2016 санкции были з части зрушены.ЕС частично снял санкции с Белоруссии и Лукашенко русс.
Познамкы
Референции
Катеґорія:Державны урядници Катеґорія:Презіденты Катеґорія:Білорусія Катеґорія:Політічны лідеры Катеґорія:Посланцьове парламента