Тайвáн (), официалнов назвов Китáйска република або Чинска република () — часточно признаный островный штат, во выходной Азии. Поуживать ся про тот штат ещи назва: националистичный Китай (на розлику од комунистичного Китая, циже Китайской людовой републикы).
Тайван быв едным зо закладательох Организации Зъединеных Народох и постоянным членом ей Рады безпечности до року 1971, коли його мѣсто было передано Китайской людовой републицѣ. Одтогды постепенно стратив меджинародне вызнаня и днесь мать вызнаня и официалны дипломатичны односины лем з 11 штатами — членами ОЗН и Ватиканом, (што мать там статус позорователя).
Полога Китайска република лежить векшинов на островѣ Тайван, при юго-восточном березѣ континенталного Китая, а в ей юрисдикции окрем того великого острова суть меншы островы групы Тайван — 22, архипелага Пенху (Пескадоры) — 64, групы Мацзу — 19, групы Кемой — 12.John C. Copper
История В доколониалной добѣ Тайван не мав централну владу, жителѣ ся занимали земледѣлством, рыбарством и ловами. Став ся колониев Нидерландох од зачатку XVII. стороча примѣрно на 40 рокы, пак зась достав независимость примѣрно на два десятьроча. Династии континенталного Китая установили контролу над островом в конци XVII. стороча и держали го до року 1895, коли остров добыла Япония. Тайван вернув ся под контролу тогды уже националистичного Китая в року 1945 по поражцѣ Японии в Другой свѣтовой войнѣ. Але в року 1949 китайскы комунисты розбили националистичны силы на материку и основали там Китайску людову републику. Националистична влада и войско утѣкли на Тайван, што зась одокремило остров.
В року 1950 США, обы предбѣгнути добытя Тайвана комунистами по домовой войнѣ, ввели флот в пролив и подписали з Китайсков Републиков договор о взаимной оборонѣ.
Економика
Концьом 1940-х и зачатком 1950-х многы економисты песимистично позирали на економику Тайвана: высока густота обывательства, невыстача природных ресурсох и капитала, дискредитирована влада. Але тот песимизм указав ся погрѣшным. Економичный рост Тайвана од середины 1960-х, быв такый пересвѣдчивый, же достав назву «економичного чуда». Економичному буму Тайвана в 1960-х и током далшых десятьроч помогла земелна реформа, котра привела ку значному росту аграрного сектора. Процвѣтаня села стимуловало промысловый розвой, а ефективнѣйше сельске газдовство выслободило робочу силу про индустриализацию. В 1980-х Тайван перейшов ку конарям промыслу, потребуючым высокы капиталы и науку. Высока продуктивность роботы, приватизация, далековидне штатне планованя, значны заграничны инвестиции и торговля спомогли быстрый економичный рост Тайвана. В зачатку индустриализация Тайвана была звязана з ростом текстилных фабрик и компаний, на выробу дробной бытовой техникы, обуви и шпортовых потреб. По часѣ компании перейшли на выробу полупроводникох и електронного обладунку, як радия, телевизоры и компютеры. Ку серединѣ 1980-х Тайван ся став едным з найвекшых во свѣтѣ выробникох компютерох и компютерной периферии. Важным елементом стало ся створеня експортно-выробных зон, в котрых заграничны компании могли будовати фабрикы, доставали значны даньовы одпущеня и другы перевагы, але и выучовали тутешню робочу силу.
Жерела
Референции
Тайван Тайван Катеґорія:Островны штаты