Оман (, [ʕʊˈmaːn]), офіціално Султанат Оман () є держава на юго-востоці Арабського пувострова в Азії. Находит ся у стратеґічно важнуй позіції пиля устя Персійського залива. Оман граничит из Зъєдинеными Арабськыми Еміратами на сіверо-западі, з Саудськов Арабійов на западі, и з Єменом на юго-западі, а по морю щи з Іраном и Пакістаном. Має два ексклавы, убключені САЕ по земли.
Оманськый султанат быв уд кунця XVII. столітя могучов морськов імперійов, котра конкуровала з Брітанськов и Портуґалськов імперіями за вплыв у реґіоні Залива тай Індійського океана. На вершині його моци (XIX. ст.) вплыв Омана досягав острова Занзібар на юзі и днешньых Ірана з Пакистаном на востоці. Коли в XX. ст. муць султаната пригасла, ун трафив у брітанську політичну сферу. Історично столиця Омана Мускат была ключовым торговым портом Персійського залива и єдным из майважных у цілум Індійськум океані.
Оман має значущі резервы ропы (25. місто в світі). Подля оцінкы Розвойової проґрамы ОЗН, за послідні 40. рокув извышеня розвою Омана было майбулшоє уд усьых держав світа. Значными секторами економікы сут турізм, торговля рыбов, датлями тай иншов земледілськов продукційов.
Катеґорія:Країны