Угорска Русь, исторична землеписно-народностна назва края в бывшом Мадярском кральовствѣ, населеного переважно Русинами. Ишло о територию, од рокох 1918-1920 познату як Подкарпатска Русь, в рр. 1944-1946 яко Закарпатска Украина, а од року 1946 донынѣ яко Закарпатска область.Поп И., с. 365.
Хоснованя назвы 1830 — 1918 Понятя Угорска Русь было заведено и переважно стрѣчало ся в роботах ученых з России в 1830-х роках.Магочій П.Р., Поп І., с. 752. Од них го перебрали польскы, украинскы и другы учены. Еднак термин Угорска Русь стрѣчав ся и в русинскых текстах, котры часто писали ся з ориентациов на то, же будуть ся публиковати в Галичинѣ або России.
В Мадярском кральовствѣ тото означѣня не было в урядном и научном хоснованю, понеже административне дѣлѣня на жупы, вызначало и характер одсылань на територии в научных роботах. Угорска Русь во вызнамѣ угорскых територий, заселеных Русинами, включала жупы Унг, Берег, Угоча, Мараморош, Земплин, Шариш, Спиш, але жадна з тых жуп не была заселена лем Русинами. По роспадѣ Австро-Мадярщины Угорска Русь роздѣлила ся (неофициално) на Пряшовску и Подкарпатску Русь, официална границя меджи котрыма не была вызначена, а дочаснов границьов была рѣка Уг. В чехословацкой добѣ (1920-1939) намѣсто непевно означеного понятя Угорска Русь хосновала ся урядна, штатутом окреслена назва Подкарпатска Русь. Preclík, Vratislav. Masaryk a legie (Masaryk and legions), váz. kniha, 219 pages, first issue vydalo nakladatelství Paris Karviná, Žižkova 2379 (734 01 Karvina, Czech Republic) ve spolupráci s Masarykovým demokratickým hnutím (Masaryk Democratic Movement, Prague), 2019, , pages 35 – 53, 106 - 107, 111-112, 124–125, 128, 129, 132, 140–148, 184–199.
1939 — 1944 Назва Угорска Русь не любила ся тыж комунистам и украинскым националистам, котры уже в юну-юлу 1924 на V. конгресѣ Коминтерна в Москвѣ выголосили же восточнославянскы обывателе Польщи, Румынии и Чехословакии суть Украинцѣ и «мать быти револучно вырѣшеный их народностный вопрос».Magocsi Paul Robert, с. 387.
Коли на куртый час Угорска Русь вернула ся в Мадярщину (1939-1944) и была обновлена ей стара неофициална назва, они тото прияли за атаку на их народность.
Походны назвы Од назвы Угорска Русь походять назвы етноса (Угророссы, Угрорусины, угро-руськый народ), назвы партий (Угроруська национална партия, Угро-руська политична партия) и организаций (Угро-русскый Националный Театер).Ігнатович Г., с. 263.
См. тыж Герб Закарпатской области Герб Русинох Застава Русинох Подкарпатска Русь
Жерела и одказы Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. . Ігнатович Г. Від гасниці до рампи. Нариси з історії українського театру на Закарпатті. Ужгород: Ліра, 2008 — 344 с. . Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. . Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. .
Референции
Катеґорія:История Подкарпатской Руси Катеґорія:Историчны области Мадярщины