Пиаристы, Орден духовных регулных худобных Богородичных благочинных школ, Ordo Clericorum Regularium Pauperum Matris Dei Scholarum Piarum — росширеный по свѣтѣ католицкый монашый орден, котрый веде свою историю од школы заложеной в Римѣ Св. Йозефом Каласансом в року 1597.
Назва Школы пиаристох суть духовны, регулны, худобны, Богородичны, благочинны:Харизма ордена. духовны, бо в них учителями и воспитателями суть монахы, люде духовного стану, и в них ся выучують религийны предметы; регулны, бо штил живота ордена описаный в Штатутах ордена, котры суть регулов, regula, обовязуючыма правилами; худобны, бо суть назначены худобным и учать на скромный живот, покорность и другы добры якости; Богородичны, бо Богородиця е патронков школ и примѣром воспитателькы; благочинны, бо в них выука е дѣлом совѣсти, довга, чистого сердця, pius 'благочестивый', а не за грошѣ.
История 1597 — в Римѣ Йозеф Каласанс отворив перву публичну безплатну школу в Европѣ;Ottův slovník naučný. 1617 — Папа Павел VI. декретом дня 6. марца створив Павлинску конгрегацию худобных Богородичных благочинных школ; 1621 — Папа Григорий XV. папскым посланьом дня 18. новембра подняв конгрегацию благочинных школ на статус рядного монашого ордена;Kegyesrendiek... 1631 — пиаристы пришли на Мораву; 1640 — пиаристы пришли до Чешского кральовства; 1642 — пиаристы пришли до Речи Посполитой; 1646 — Папа Инноцент X. знизив статус ордена до конгрегации; 1648 — 25. августа умер закладатель ордена Йозеф Каласанс; 1665 — пиаристы отворили школы в Мадярском кральовствѣ; 1669 — Папа Клемент ІX. вернув статус ордена, котрый одтогды доднесь не мѣняв ся.
Жерела и одказы Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Том 19, сс. 702-703. Kegyesrendiek... //Révai nagy lexikona. Révai Testvérek Irodalmi Intézet Részvénytársaság, Budapest. 1914. Том 11, с. 400. Харизма ордена.
Референции
Катеґорія:Пиаристы