Неореализм — напрям в умѣлствѣ, взниклый в италиянской литературѣ в 1920-х роках, потлуменый под фашистичнов владов, и наново обродженый по падѣ фашизма в 1940-1950-х роках в литературѣ и филмѣ.Encyclopaedia Britannica.УСЭС, т. 2, с. 497.
Природа взнику и характерности Неореализм выходив з реализма и вывинув ся умѣлцями демократичного и гуманистичного напряму в добѣ антифашистичного боя, котрый принюс ескалацию их одчуть, зажиткох и пересвѣдчѣнь о фашистичных репресиях, руху одпору и войнѣ.
Неореалисты дають позор на живот простого чоловѣка, на документалность зображованого, вѣрность факту. Во филмѣ тото добивали ся филмованьом обычайных людей в обычайных мѣстах, намѣсто накручаня в штудию з професионалныма актерами, одказом од всякой идеализации и припараджованя, смѣло ся пущали до острых актуалных социалных тем. Практично вшиткы тоты творцѣ вываровали ся од щастливого закончѣня, котре диктовав голливудскый штандарт.ENCYCLOpedia.com. Поставы филма або литературного твора часто говорять не литературным языком, але диалектом, так же про порозумѣня их слов суть потребны субтитры, або выяснюючый текст. Продукция неореалистох барз критично зображовала живот в Италии, а ей творцѣ мусѣли скрывати ся, емигровати, або сидѣти в арештѣ в фашистичной добѣ.
Рецепция в Италии и в заграничу Хоть неореалистичны творы стали ся новым словом в умѣлствѣ, мали они омного векшу популарность в заграничу, а не в Италии. Меджи роками 1945 а 1953 были накручены около 800 филмох, але з них лем 10% можуть быти означены як неореалистичны, а были они касово неуспѣшны. Жебы застачити касовый успѣх мусѣли филмаре переважно продуковати филмы подля традичного голливудского штандарта, або з оглядом на нього.
По 1950-х роках, коли повоенна худобность уступать ся заможнѣйшому животу, умѣлство обертать ся од неореализма ку фантазии, симболизму и др. напрямам, хоть окремы елементы, вывинуты неореалистами, як хоснованя документалных фотографий, чорно-бѣле филмованя, ангажованя непрофессионалных актерох, автентичны локации, социалны темы зоставають в арсеналѣ творцьох.
Типовы представителе В литературѣ ку зачинателям неореализма односять поета Салваторе Квазимодо и прозаика Алберто Моравиа, во филмѣ — режисерох Роберто Росселини, Лукино Висконти, Витторио де Сика.
Жерела и одказы УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. . Italian art. //Encyclopaedia Britannica. Neorealism. //ENCYCLOpedia.com.
Референции
Катеґорія:Умелецькы напрямы