Зелена линия на Кипру — демаркачна линия, котра роздѣлять остров на двѣ части: южну (грецку) и сѣверну (де факто турецку). Линия охранять ся войсковым контингентом UNFICYP.
История В року 1960 Кипр, дотогды колония Великой Британии, достав независимость, гарантами котрой были вызначены Велика Британия, Греция и Турция.
Назва Зелена линия появила ся в року 1964, коли по конфликту в Никозии меджи мѣстныма Греками и Турками город быв роздѣленый на грецку и турецку части, а бритскы вояци означили границю меджи двома сторонами на мапѣ зеленов линиев. Жебы забранити повторѣню меджиетничного насилства меджи грецкыма и турецкыма Кипрянами, обновити порядок и напомочи нормалному животу од марца 1964 на островѣ фунгуе миротворна мисия ОЗН. Тота мисия вшак не забранила тому, жебы меджиетничный конфликт вырос на войну в року 1974, резултатом котрой стала ся турецка окупация сѣверной третины острова и была там установлена де факто Турецка Република Сѣверного Кипра,Cyprus. котру не признавать ани една держава свѣта, окрем самой Турции. Република Кипр и де факто Турецка Република Сѣверного Кипра суть роздѣлены демаркачнов зонов, называнов Зелена линия котру контролуе меджинародна военска мисия UNFICYP.UNFICYP
Полога Зелена линия е зонов, простертов на 180 км зо западного берега острова до восточного, и перетинать главный город Никозия. Ширина зоны од даколькох метрох в Никозии до 7,4 км в околици села Атиену. В зонѣ суть еще три села: Пила, Трулли, Денѣя, котры суть в юрисдикции Републикы Кипр. Обывательство тых сел чинить над 10 тысяч особ, а Пила едине село, де жиють обѣ конфликтуючы стороны. Во восточной части Зелена линия перерывать ся териториов бритской военской базы Декелия.About the Buffer Zone.
Персонал миротворной мисии Персонал миротворцьох ся периодично вымѣнять. В марцу 2018 персонал числив 1013 особ, з того 764 — вояци, 150 — цивилисты, 65 — полицайты, 52 — офицеры.UNFICYP Fact sheet.
См. тыж UNFICYP
Жерела и одказы About the Buffer Zone. UNFICYP Fact sheet. Одчитане: 23 April 2018. Cyprus.//New World Encyclopedia.
Референции
Катеґорія:Кипр Катеґорія:ОЗН