Расова сегрегация, од segregatio одокремлѣня — практика ограничѣня людей до бываня на окресленой територии, або до одокремленых инштитуций (як школы, церквы) и служб (паркы, игриска, рештаврации) на основѣ их расы.Encyclopaedia Britannica
Формы Можуть быти практикованы двѣ формы расовой сегрегации: инштитуционална и териториална. Инштитуционална реализуе ся в розличных сферах живота сполоченства — во школствѣ, здоровництвѣ, транспортѣ, службах — через створѣня паралелных инштитуций, або в рамках едной инштитуции окремых секций про оддѣлены расы. Териториална — через створѣня окремых зон и територий бываня про оддѣлены расы, котра ся зъявно указала в политицѣ апартеиду в ЮАР (1948-1994).Большая Советская Энциклопедия.
История В найновшой истории расова дискриминация мала за цѣль утвердити высшый статус и економичны перевагы политично доминуючой популации, векшинов бѣлой расы над фаребными. Але исторично розличны добывателѣ — як Монголы в Азии, Банту в Африцѣ, Ацтекы в Америцѣ — хосновали сегрегацию на покореной популации.
Сучасность Хоть официално расова сегрегация в сучасности не ествуе, в расово мѣшаных комунитах часто де факто расовы групы жиють в окремых районах и так суть сегрегованы териториално. Наслѣдком того в тых районах суть и сегрегованы школы, службы.Раджини Вайдьянатан.
Жерела и одказы Racial segregation. //Encyclopaedia Britannica. Сегрегация (социальная). //Большая Советская Энциклопедия. Раджини Вайдьянатан: Почему чернокожие и белые американцы не живут вместе? //Русская служба ВВС.
Референции
Катеґорія:Расизм