Феноти́п, од φαίνω «являю», «указую» + τύπος «одбиток», «форма» — вкупность характеристик, властностей и знакох организма, котра ся склала на основѣ интеракции генотипа, з условиями окружѣня, в котрых ся организм вывинув. Генотип нигда ся не проявлять в цѣлости, а лем тота его часть, котра ся реализуе в тых конкретных условиях окружѣня. Фенотип мѣнять ся в процесѣ онтогенезы.Тимченко А. Д., с. 310.УСЭС, том 3, с. 498.
Генотип + окружѣня → фенотип, або точнѣйше: генотип + окружѣня + случайны змѣны → фенотип.
Опис фенотипа З означѣня фенотипа видиме, же иде о вонкашны знакы и проявы организма. Але «вонкашны знакы и проявы» треба брати в якнайширшом понятю. Кедь иде о бактерию — то не лем ей форма и величина, але тыж здатность выволати хвороту, чутливость и одолность сопротив лѣкам, скорость розмножѣня и потребны ку тому субстанции.Ауэрбах Ш., сс. 51-52.
Фенотип чоловѣка омного компликованѣйшый, ку ньому належать тысячи знакох и проявох, зачавши од взроста, сердцьовой фреквенции аж до ступня интелигенции и свѣтоназору. Опис такого фенотипу забере вельо часу и намагы, але теоретично можный.
Фенотип и генотип З другой стороны, генотип е цѣлый комплет генох организма, включно з положѣньом генох в хромосомах. Подробно описати генотип и найпростѣйшого организма не е можне, бо каждый генотип обсягуе множество генох, о ествованю котрых ани не знаме. На практицѣ маме дѣло з фенотипичным ефектом окремых генох з котрого можеме судити о них.
Жерела и одказы Ауэрбах, Ш. Генетика. Москва: Атомиздат, 1966. Тимченко А. Д. Краткий медико-биологический словарь. Киев. Вища школа. 1988. . Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. .
Референции
Катеґорія:Генетика