Синеви́р — село в бывшом Межгорском районѣВ року 2020 инкорпорованый Хустскым. Закарпатской области Украины. Село лежить в горном току Тереблѣ о 15 км од районного центра и о 60 км од желѣзничной штации Воловець.Тронько П. и др. (ред.), сс. 375-376.
История Синевир первый раз упоминать ся в листинах, якы до нас дошли, под роком 1604, яко Zynever, а под роком 1605 уже яко Szinevér .Sebestyén Zsolt, с. 131.
В зачатку 20. ст. Синевир поважовав ся за глуху провинцию, куды высылали провинилцьох за кару. Так быв высланый з Волового на поселѣня в Синевир В. И. Мушка, котрый ходив на заробкы до России и, вернувши ся по револуции 1905-1907. рокох, агитовав селян Волового на револуцию.Тронько П. и др. (ред.), с. 342. З другого боку, Синевир быв главным селом в цѣлом горѣшном току Тереблѣ: лем ту быв еден дохтор, котрый за грошѣ мог дати медицинску помочь обывателям сел, што были еще высше в горах.Тронько П. и др. (ред.), с. 359.
В року 1930 в селѣ жыли 2880 обывателе, з них Русины — 2506, Евреи — 294, Чехы и Словаци — 59, Мадяре — 8, Нѣмцѣ — 2, чужоземцѣ (без чехословацкого подданства) — 11. Двѣ религийны громады: православна (1875 вѣрникы) и грекокатолицка (634 вѣрникы); православны мали деревяну церковь Преображения, выставлену в 1930-х, грекокатолици — муровану церковь Успѣня Пресвятой Богородицѣ з року 1905. В селѣ была русинска школа (4 класы) и чешска школа (2 класы), нотарскый уряд, пошта, жандарска станиця, инспекторат и станиця «финанцох». Была кырниця лѣчебной воды, коло котрой влѣтѣ ставили купельовы шатры, ходив державный автобус. На Теребли была клавзура и перепусткы на сплав дерева.Достал Я., с. 69.
10. октобра 1944 в село зашла Червена Армада и зачала ся совѣтска доба его истории. Передвоенну историю села описав писатель Иван Долгош в романѣ Синевир.
В року 1961 деревяна православна церковь была демонтована, и православным оддали муровану церковь зликвидованой грекокатолицкой громады.
Днешность села Село мать захоронку, середню школу и филиалку Межгорской дѣточой музичной школы, Културный дом з библиотеков (над 8000 книг) и клубным помѣщѣньом на 400 людей. Медицинску амбулантну помочь в сельской болницѣ можуть денно достати 120 хворых, а еще 10 хворых можуть ся лѣчити в стационарном постельовом режимѣ.https://web.archive.org/web/20180723212501/http://www.rada.synevyr.org.ua/ Синевирска сельска рада
За 6 км од Синевира, в готарѣ Чорна Рѣка, находить ся уникатный Музей лѣса и лѣсосплава, якый потерпѣв од повеней в рр. 1998 и 2001.Федака С., с. 197.
Религийны громады: Грекокатолицка церковь Роздва Пресвятой Богородицѣ, выставба року 2002 — еден священик, около 100 вѣрникох; Православна Свято-Успенска церковь МП УПЦ, выставба року 1905 — 2 священикы.
Етимология назвы Назва Синевир русинского походжѣня: од синий и вир (прудкый рух воды довкола вертикалной оси, крутѣль). В нижной части села на рѣцѣ Теребли под скалов в довжцѣ 6 сяг была страшна глубѣнь и там ся вода вирила и зато звало ся мѣсто Синий вир, циже синя крутѣль, а од того взникла и назва села, а не од «морского ока», котре положене на сѣвер од сосѣдного села Синевирска Поляна. Мадярска назва Alsószinevér (Нижный Синевир) появила ся в хоснованю од 1900-х рокох, коли в Мадярщинѣ одбыло ся упорядкованя назв, на одрознѣня од сосѣдного села Felsőszinevér (Szinevérpolyána) , циже Вышный Синевир (Синевирска Поляна).
Назва Нижный Синевир была скасована в року 1946, коли нова влада вернула стару назву.
Назва сосѣдной Синевирской Поляны споминать ся в листинах о 10-20 рокы позднѣйше, очевидно взникла она яко новоселиця, котра свою назву достала од старой селитвы.Sebestyén Zsolt, сс. 131-132.
Еще и в року 1924 упорядкована дорога была од Волового лем до села Синевир.Jiří Král, с. 95. Теперишне озеро Синевир называло ся тогды Озеро.Jiří Král, с. 16.Чешска военска мапа: Země Podkarpatská. Zeměpisný ústav M.N.O., č. 527-1919, л. 4571 (Volové). Ни Чехам, ни Мадярам то не вадило, бо не тотожнило ся з посполитым назывником: jezero Ozero , Ozero tó . В совѣтскый час озеро зачали называти Синевирскым озером по аналогии з Синевирсков Полянов, а од конця 1950-х з активизациов туристикы — Синевиром.
Жерела и одказы Dr. Jiří Král. Podkarpatská Rus. V Praze, nákladem vlastním, 1924. A történelmi Magyarország atlasza és adattára 1914 Sebestyén Zsolt. Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969. Федака Сергій. Населені пункти і райони Закарпаття. Історично-географічний довідник. "Ліра". Ужгород, 2014. Синевир на сайтѣ Верховной Рады Украины Туристика, убытованя и службы в Синевирѣ Синевирска сельска рада
Референции
Катеґорія:Населены пункты Украины Катеґорія:Населены пункты Закарпатской области