Крещѣня або крест, βάπτισμα понорѣня до воды — практиковане в христианскых конфесиях — католицизмѣ, православии и протестантствѣ — священодѣйство удѣляня тайны креста, через котрый чоловѣк ставать ся членом Церкви.
Тайна крещѣня Крещѣня е свята тайна, в котрой чоловѣк водов и словом Божим очищать ся од первородного грѣха, а кедь е доростлый, очищать ся и од вшиткых грѣхох. Чоловѣк, приявшый тайну крещѣня ставать ся христианом. Вода мать быти природна, свячена, но кедь не е, може быти и природна, не посвячена. Вода ся лие на голову крещеного три раз, а священик говорить слова: «Крестить ся раб‹а› Бож‹ий/а› ‹имя› во имя Отця и Сына и Святого Духа, аминь».О. Франтішек Крайняк, с. 27.
Дѣйство крещѣня выконуе священик, але в наглой смертелной нуждѣ хотькто може крестити, а буде тот крест платный, кедь:О. Иоаннъ Кутка, сс. 124-125. креститель сам е вѣруючый христиан, вода была природна и чиста, коли ю зливав разом и тоты слова говорив: «Крещает ся раб‹а› Бож‹ий/а› ‹имя› во имя Отця‹†› и Сына‹†› и Святого Духа‹†›, аминь».
Кто по крещѣню нараз умре, прямо на небо доступае. Святый крест може быти удѣляный через занорѣня (immersio), политя (infusio), покроплѣня (aspersio). Первый способ е найдавнѣйшый, зато крещѣня теологы еще называють святов купельов.
История Же свята тайна крещѣня установлена од самого Исуса Христа потверджують его слова ку своим ученикам: «Та йдѣть научайте вшиткы народы, крестячи их во имя Отця и Сына и Святого Духа».Матв. 28, 19 Катехизм учить, же Исус Христос сам прияв крест в Йорданѣ и тогды вшиткых христиан до кресту сповиновав высше уведеныма словами.Podręczna Encyklopedia Kościelna, тт. V-VIII, сс. 76-80.
Спочатку крещѣня удѣляли в «живой водѣ» (поток, рѣка), а од VI. стороча зачали будовати при церквах хрестителницѣ. В православии заховало ся занорѣня в купель, в католицизмѣ и протестантствѣ помалы вышло з ужитя, хоть не е заказане.
Жерела и одказы Podręczna Encyklopedia Kościelna (opracowana pod kierunkiem ks: ks Stan. Galla, Jana Niedzielskiego, Henr. Przczdzłeckiego, Ant. Szlagowskiego, Ant. Tauera i redaktora ks Zygm. Chelmlcklego). Tt. 1-44. Wydawnictwo biblioteki dzieł chrześcijańskich. Warszawa, 1904-1914. О. Иоаннъ Кутка. Катихисїсъ малый или наука православно-христїанская сокращенная во благочестное воспитанїе юношества дїецесїи Мункачовскїя, составленная въ Унгварѣ. — Будин, 1801. О. Франтішек Крайняк. Малый грекокатолицькый катехізм про русинськы діти. — Пряшів: Русинська оброда, 1992. Од Матвѣя святое благовѣщѣня. //Новый Завѣт.
Референции
Катеґорія:Христианскы тайны