Мирослав Зикмунд — чешскый писатель вандровник, филмарь, фотограф, новинарь.
Биография Родив ся 14. фебруара 1919 в Плзню, Чехословакия. Отець му быв машиниста локомотивы, а мати домогаздыня. Од матери научив ся систематичности и терпезливости, котры му пак придали ся в его путованях по свѣтѣ.Miroslav Zikmund. //Česko-Slovenská filmová databáze Первой своей вандровкы подъяв ся уже яко 16-рочный, коли зоз рок молодшым братом походив Подкарпатску Русь.Lukáš Hron, MF DNES В року 1938 абсолвовав реалну гимназию в Плзню и зачав ся учити на Высокой школѣ торговли в Празѣ де ся спознав з Йиржим Ганзелком. Обое выбрали фах заграничной торговлѣ, котрый давав перспективу путовати по свѣтѣ. Але под нѣмецков окупациев вшиткы высокы школы были закрыты и закончити штудии годен быв аж в року 1946. По штудиях обое пошли працовати до автомобилкы Tatra, а удало ся им наговорити дирекцию, жебы им дали авто, а будуть путовати по свѣтѣ и робити рекламу.
В роках 1947–1950 перешли з автом Tatra 87 Африку, а пак Южну Америку. Путованя было успѣшне, чехословацке радио одвысылало з него над 700 репортажи, нафотографовали и накрутили филмы, написали даколько книг.
Уже з репутациев славной двойкы вандровникох достали два авта Tatra 805, а тыж поповнѣня екипы инженером-конштруктером (О. Халупа) и медиком (Р. Вит) и по круглых 12 роках, 22. апрѣля 1959 побрали ся в путованя по Азии, через Близкый Восток, Индию, Цейлон, Японию, а вернули ся 11. новембра 1964, перейшовши СССР од Находкы до Чопа через векшину совѣтскых републик. Найсѣвернѣйша точка их пути быв порт Тикси на Сѣверном ледовом океанѣ.Jiří Martínek
Их репортаж з Японии указав, же много што з техникы и организации там фунгуе лѣпше неж в Чехословакии, а то было барз тяжко, але мусай вызнати комунистичной владѣ. При путованю через СССР их славностно стрѣтили в Находцѣ и зробили им пышну гостину, а чекали од них, же тота «показуха» буде основов их репортажи, де опишуть высокый благобыт в СССР. Але они зафиксовали правду, в том и факт, же в яри и в осени их авта мусѣли путовати желѣзницьов, бо дорогы были непроѣздны. Зикмунд и Ганзелка трафили в немилость од самого Леонида Брежнева, а одтеперь не могли объявляти свои репортажи и книгы. Перемѣна настала аж по року 1989 и пак годны были в 1990-х роках путовати по Австралии и Новому Зеланду.
Честованя 100-роча Мирослав Зикмунд жив в Злинѣ, а е там и музей Ганзелкы и Зикмунда. В штатистицѣ того музея зазначено, же перевандровали 107 держав, написали о том 18 книг, котры мали 143 выданя в 11 языках, а тыж вытворили 147 репортажных и 4 повнометражны филмы.
О сторочу Мирослава Зикмунда режисер Петр Горки накрутив повнометражный филм. В том филму природно поставать звѣданя якый быв тогочасный свѣт в поровнаню з днешным.
Ку 100-рочу уродин Мирослава Зикмунда Чехословацка пошта выпустила памятну поштову знамку на честь двойкы вандровникох Ганзелка и Зикмунд.Aleš Cibulka
Мирослав Зикмунд умер в пражской болници 1. децембра 2021 на 103. року свого живота.Катерина Айзпурвит
См. тыж (10173) Ганзелказикмунд Йиржи Ганзелка
Жерела
Miroslav Zikmund. //Slovník české literatury po roce 1945 Miroslav Zikmund. //Česko-Slovenská filmová databáze
Референции
Катеґорія:Вандровници Катеґорія:Чешскы писателе Катеґорія:Вандрописателе