Воловецкый район, Воловецький район — бывшый административный район в сѣверной части Закарпатской области, створеный в року 1946.Ковальчук І.П., Ровенчак І.І.: Воловецький район. В року 2020 ликвидованый и прилученый ку Мукачовскому.
Землеписна полога и характеристика района Воловецкый район ограниченый на сѣверѣ Вододѣлным хребтом и на югу Полонинскым хребтом. В районѣ мають выток рѣкы базена Дуная: Латориця з притоками Вича и Жденьовка. Лѣсы занимають 273 км2, переважны файты суть бук (70%) и смерека (24%); меджи храненыма териториями найвызнамнѣйшым е лѣсовый резерват Россошный.
Вшиткы населены локалиты района мають официалный статус «горскый населеный пункт» (2013).Постанова Кабмину України №647 11.08.1995 Про перелік населених пунктів, яким надається статус гірських
История района До року 1904 належав ку жупѣ Берег в Свалявском округу (Szolyvai járás), од року 1904 — як окремый Нижньоверецкый округ (Alsóvereckei járás). В року 1914 ту были тяжкы бои з российскым войском. Révai nagy lexikona, том 19, с. 443.
В року 1928 чехословацка администрация ликвидовала окремый Нижньоверецкый округ и в штатистицѣ року 1930 фигуруе в Свалявском округу.Достал Я. Окремый Нижньоверецкый округ (Alsóvereckei járás) быв обновленый мадярсков администрациев в року 1941.
В роках 1939–1940, коли Червена армада пришла ку границям Подкарпатской Руси, з Воловецкого района 270 особ нелегално утѣкли до СССР и трафили до ГУЛагу, 190 з них пережили и вернули ся в Чехословацком армадном корпусѣ ген. Свободы. В року 1946 Нижньоверецкый округ перетвореный на Воловецкый округ, а в року 1953 достав назву Воловецкый район.Тронько П. и др. (ред.), сс. 260–262.
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Ковальчук І.П., Ровенчак І.І.: Воловецький район. //Географічна енциклопедія України: В 3-х т. Редкол.: О. М. Маринич (відп. ред.) та ін.— К. «Українська енциклопедія» ім. М. П. Бажана, 1989—1993. Т. 1: А—Ж.— 416 с: С. 217. Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Бывшы районы Закарпатской области