Юрай Палкович, , *24. апрѣль 1763, Велькы Хлѣваны, Габсбургска монархия – †21. януар 1835, Естергом, Мадярске кральовство — римокатолицкый каноник, религийный писатель и перекладатель, подпорователь первого варианта словацкого литературного языка (бернолаковчины).
Кружок бернолаковцьох Словацкы католици мали културный центер в Трнавѣ, Около року 1790 Антон Бернолак, католицкый священик, вывинув первый вариант литературного словацкого языка на основѣ западословацкого диалекта. Брав примѣр з Мадярох, котры своев роднов речов зачали выдавати книгы, вытѣсняючи дотогды всесилну латину.Josef Kotrč, Josef Kotalík, с. 43.
По смерти Бернолака и Юрая Фандли Палкович зостав найвекшым представительом кружка бернолаковцьох.Jur Palkovič (24. 4. 1763 – 21. 1. 1835)
Биография Родичове му, отець Ян Палкович и мати Катарина (родж. Пурманова), походили з Долян, але в роках 1761–1773 бывали на фарѣ у Катерининого брата Грегора Пурмана, фараря во Велькых Хлѣванох, а в року 1774 вернули ся до Долян. Родина мала 8 дѣтей. Юрай абсолвовав пиаристичну гимназию во Святом Юри (1775–1779), учив ся в Трнавѣ, а высшу теологичну освѣту достав на Пазманеумѣ во Вѣдню (1783–1784) и в Прешпурку (1784–1788), в року 1788 быв рукоположеный на священство и зачав службу яко каплан, а од року 1796 — ашпирант, а пак професор етикы и церковного права, занимать поступно высокы посты в церковной иерархии, од року 1816 — каноник Естергомской архидиецезии.Juraj Dolinský SJ
В послѣдных роках живота терпѣв на хвороту сердця и глухоту.Szinnyei József.
Творба Животным дѣлом Юрая Палковича стала ся Библия, перекладена на западнословацкый диалект (бернолаковчину), што вышла в двох частях (выдавательство Josef Beimel, 1829, 1832), над котров ся трудив 30 рокы: Swaté Písmo starého i nowého Zákona: podla obecného latinského od sw. Rímsko-katolíckég Církwi potwrďeného, preložené s Prirownaním ğruntowného Tekstu na Swetlo widané. Ďel prwní, Ďel druhí. W Ostrihome: Josef Beimel, 1829, 1832.Палкович, Юрий (католический писатель).
Быв щедрым подпоровательом словацкых писательох. З помочов естергомского архиепископа Александра Рудная в роках 1825–1827 выдав пятьтомовый Slowár Slowenskí, Češko-Laťinsko-Ňemecko-Uherskí Антона Бернолака, котрый доповнив и зредиговав.
Жерела и одказы Josef Kotrč, Josef Kotalík: Stručné dějiny československé literatury pro vyššy třídy škol střednich. — V Praze nákladem Československé Grafické Unie A.S. — 230 s. Szinnyei József: Palkovics György, esztergomi kanonok. //MAGYAR ÍRÓK ÉLETE ÉS MUNKÁI Доступне онлайн Палкович, Юрий (католический писатель). //Энциклопедический словарь Брокгауза и Ефрона, т. XXIIa (1897): Оуэн — Патент о поединках, с. 634 Доступне онлайн Jur Palkovič (24. 4. 1763 – 21. 1. 1835)
Референции
Катеґорія:Перекладателе Катеґорія:Перекладателе Библии Катеґорія:Словацкы писателе