Анексия

Анексия (од ) — урядный акт, котрым держава выголошуе свою суверениту над териториев, котра ей дотеперь не належала. На роздѣл од одступлѣня або продажу через договор, анексия — еднобочный акт, котрый ся реализуе через фактичне властництво, а легитимизуе ся через всеобще вызнаня.Encyclopaedia Britannica Анексия — насилницкый акт.Бацак К. Ю.

За военнов окупациев може наслѣдовати анексия, котра не мусить быти прямо насилницка, може ся реализовати лем под грозьбов насилства, як напримѣр аншлус Австрии Германиев в року 1938.

Походжѣня термина Слово походить од annexio – прилучѣня. Первый раз поужив го Наполеон III. в торинской конвенции з року 1860 на означѣня прилучѣня Савои и Ниццы ку Франции на основѣ слободного плебисциту обывательства той територии.Ottův slovník naučný, т. 1, с. 410.

Легитимность анексии Ци мусить быти плебисцит е спорне, были прецеденты вызнаня анексий без плебисцита.

Меджинародне право не дефинуе формалиты, дотычны анексии. Тоты ся основують на конштитуции и прецедентѣ. Споены Штаты анектовали Тексас в року 1845 и Гавай в року 1898 сполочным рѣшѣньом Конгреса. Италия анектовала Етиопию в року 1936 декретом свого краля.

Анексия легитимна при двох условиях, а то: спочивать на догодѣ або иншом правоплатном доказѣ набытя; анектована територия перед тым мала суверениту и завязкы, котры пак цѣлком переберать анектор. Напротив, кедь тых основ не е, анексия грубо нарушуе суверениту иншого штату, хоть бы ся ай одкликовала на плебисцит.

Жерела и одказы Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Бацак К. Ю.: Анексія. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ; 2003 т. 1 , с. 89.

Референции

Катеґорія:Межинародна политика Катеґорія:Межинародне право