Стебльовка, до року 1947— Салдобош, Szaldobos — село в Хустском районѣ Закарпатской области, центер сельской рады. Через село проходить автодорога Ужгород – Хуст – Ясѣня, и желѣзнична линия Батьово – Солотвино, заставка Стебльовка.Заставка Стебльовка.
Полога Лежить о 16 км на юговосток од районного центра Хуст, на правому березѣ рѣчки Тисы.Тронько П., с. 746.
Сельска рада Стебльовска сельска рада СТЕБЛІВСЬКА СІЛЬСЬКА РАДА Хустський район, Закарпатська область вул. Салдобошська, 155, с.Стеблівка, 90451, тел.: (03142) 69-26 1 Сельской радѣ подряджене село Крайниково.
История Перва упоминка о селѣ походить з року 1389, (Zaldobos), назва села утворена од мадярского диалектного száldob “липа”, село зачаточно было мадярске, але по часѣ обрусинило ся; украинска назва Стеблівка спродукована методом «народной етимологии» од szál “стебло”.Sebestyén Zsolt, с. 127.
В року 1930 в Салдобошу жили 1898 особ, з того Русины — 1749, Евреи — 97, Мадяре — 28, Чехы и Словаци — 8, Нѣмцѣ — 1, чужоземцѣ — 15. Была русинска школа (6 клас).Достал Я., с. 285.
Украинска доба села зачала ся 23. октобра 1944 з приходом 17. гардового корпуса Червеной армады. За тот час была збудована середня школа, 500 новых будинкох, заасфалтованы улицѣ.
Днешность 29. августа 1994 згорѣла найстарша архитектурна памятка — готична деревяна церковь Роздва Богородицѣ з року 1634. В селѣ е повна середня школа (232 ученикы в року 2010), школка, дом културы, амбуланта. Закрыли ся, фунговавшы в добѣ УССР, филиалка Хустской обувной фабрикы, дом служб, одежный цех. 8. юла 2011 сельска рада затвердила заставу и герб села.
Вызнамны особы села Августин Йенковскый (1833–1923), священик, вынаходник, меценаш.
Интересны факты В селѣ е буволяча фарма, де окрем найвекшого в Украинѣ стада буволох держать еще иншы заникаючы виды.Ферма буйволів.Мішель, найкращий друг буйволів.
Жерела и одказы Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014.
Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Украины Катеґорія:Населены пункты Закарпатской области