Зо́лтан Шо́лтес (* 21. юл 1909, Прикопа, жупа Унг, Мадярске кральовство – † 16. децембер 1990, Ужгород, Закарпатска область, Украина) — подкарпатскый грекокатолицкый священик и малярь. Заслуженый умѣлець УССР (1975).Небесник І. І.Поп, Иван.
Биография Школы Походив з родины сельского учителя.
По закончѣню гимназии в Ужгородѣ (1929) учив ся в духовной грекокатолицкой семинарии (1929–1933). Въедно з духовнов науков навщѣвляв годины в Публичной школѣ мальованя Й. Бокшая и А. Ердели. В року 1933 мав свою перву персоналну выставку. Духовна служба В року 1933 быв рукоположеный в духовный чин и прияв службу священика в Ужку (1933-1939). Мальовне горске село в часѣ его службы зажило славы «Барбизона» подкарпатской школы малярства: ту зберали ся его учителѣ и колегы мальовати пейзажы и жанровы сцены.
В роках 1939–1942 служив капланом церкви в Севлюшу, в роках 1942–1947 — парохом в Турици.Павленко Г.В. В року 1947 зачали ся репресии против Русинской грекокатолицкой церкви, котру совѣтска влада рѣшила зликвидовати; грекокатолицкый священик мусѣв стати ся православным, або лишити ся службы. Отець Золтан выбрав друге и пошов робити столярьом на Ужгородскый фурнирово-мебльовый комбинат (1947–1952). Путь в малярствѣ Непослушность дожадованю влады была великым ризиком и грозила каров, але Золтан Шолтес на тот час быв уже членом Сполку малярьох Чехословакии (од 1938), Мадярщины (од 1939) и СССР (од 1945) и цѣлком оддав ся малярству, заробляючи на живобытя яко роботник в ночных змѣнах. Официално быв вызнаный владов аж в рокы хрущовского помягку и достав званя Заслуженый умѣлець Украины, коли рядом своих образох, намальованых в духу соцреализму, указав свою повну лоялность (1975).
Творба
В зачатку своей малярской творбы пробовав силы и в жанрѣ портрету. В том жанрѣ мав успѣшны образы: Голова старця (1928); Старый (1931); Портрет селянина з пипов (1932). Але дале утвердив ся в жанрѣ пейзажу.
Золтан Шолтес заняв мѣсто едного з ведучых подкарпатскых пейзажистох, продовжуючи реалистичну манѣру свого учителя Й. Бокшая. найхарактернѣйшым про нього е споѣня епичного и лиричного. Майже в кождом его образѣ давать ся чути творива людска сутность, и кедь самого чоловѣка на образѣ и не видиме.
Золтан Шолтес тѣшив ся великой авторитѣ у своих колег, хоть и не была му дана можность заняти належне йому мѣсто в сполоченском животѣ через агресивный атеизм совѣтского режима.
Надгробный памятник на ужгородском теметовѣ Калвария выготовив Михайло Белень.
Жерела и одказы Небесник І. І. Шолтес Золтан Іванович //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. С. 378. Павленко Г.В. Діячі історії, науки і культури Закарпаття. Малий енциклопедичний словник. Ужгород, 1999. Сс. 186–187. Поп, Иван. Шолтес Золтан. //Энциклопедия Подкарпатской Руси. — Ужгород: Изд-во В.Падяка, 2001. — 431 с. Сс. 412–413.
Референции
Катеґорія:Русиньскы малярї