Геоид, од γῆ Земля + εἶδος подоба — замкнена фигура Землѣ, котру бы створив поверх Свѣтового океана при середном уровни воды, абсенции приливох и одливох, габованя, морскых прудох и т. п.,Трёшников А.Ф., с. 62. або иншыма словами, кебы елиминовати вшыткы тоты факторы, котры вплывають на нестабилность уровня моря.
Геоид и базова точка геодезии В державах, котры мають геодезичны сѣтѣ подля системы высокости Балтицкого моря, геоид проходить через нулову точку Кронштадтской водомѣрной латы.Білецький В.С., том 1, с. 236. Понеже тыж проходить через нуловы точкы иншых систем высокости, котры ся одличують меджи собов, ясно, же геоид не може мати аналитичный выраз, но выступуе лем як емпиричный модел.
Геоид и гравитация Гравитация — еден з найважнѣйшых факторох, вплываючых на нестабилность уровня моря (примѣром суть приливы и одливы), зато геоид вызначать ся як еквипотенциална поверхность, в каждой точцѣ котрой сила гравитации Землѣ напрямена перпендикуларно и еднака. Надморскы вышкы объектох одраховують од геоида в напрямѣ перпендикулара.
Геоид и сфероид Геоид в морских частях поверха Землѣ лежить ниже идеалного сфероида, а в сухоземных — высше. Середний одступ меджи нима ±50 м, а максималный ±100 м. Кедь ся пожадуе высша точность, намѣсто геоида поуживають скоректованый модел квазигеоида. Геоид практично сплывать зоз середным уровньом моря з одхылков ±1 м.
Жерела и одказы Білецький В.С. (ред) Мала гірнича енциклопедія. В 3 т. / за ред. В.С. Білецького. – Донецьк : Схід. видав. дім, — 2004. Том 1. Трёшников А.Ф. (ред.) Географический энциклопедический словарь: Понятия и термины. /Гл. ред. А. Ф. Трёшников. — М.: Сов. энциклопедия, 1988.— 432 с.
Референции
Катеґорія:Геодезия Катеґорія:Географична терминология