Вучково, Вучкове — село в бывшом Межгорском районѣОд року 2020 инкорпорованый Хустскым. Закарпатской области Украины. Од року 1995 статус горского села.https://zakon.rada.gov.ua/laws/show/647-95-п#Text КАБІНЕТ МІНІСТРІВ УКРАЇНИ ПОСТАНОВА від 11 серпня 1995 р. № 647
Полога Село лежить над рѣков Рѣка о 15 км пониж районного центра, на автодорозѣ Межгорье – Хуст.Тронько П., с. 372.
История Первы упоминкы в документах походять з рокох 1548 (Wochkowo) и 1600 (Vuchkomezeo).Sebestyén Zsolt, c. 153. Назва подля лингвистох походить од закладателя села на имя Ву́чко (деминутив од сербского або хорватского Вук).Чучка П., с. 128. Мадярска назва Vucskómező мать вызнам Ву́чково поле и е прямым перекладом з русинского, а украинска Вучкове — тото украинизована исторична русинска назва.
Село Vucskómező в географичном словнику Елека Фейньеша (з року 1851) зазначене як мараморошска осада зоз 280 руськыма обывателями грекокатолицкой вѣры, з материнсков церквов (што мала филиалку), добрыма паствисками и красныма лѣсами.Fényes Elek: Vucskómező Одтогды зачав ся интензивный рост села. В послѣдных роках австро-мадярской добы, в року 1910 Вучково Поле (sic!) упомянуте яко русинске село зоз 568 обывателями.Révai nagy lexikona. 19. köt., с. 473.
Подля списованя з року 1930 (в чехословацкой добѣ) село мало 607 обывательох, а з того были 588 — Русины, 9 — Евреи, 9 — Чехы и Словаци, 1 — Нѣмець. В селѣ была мурована грекокатолицка церква Св. Николая з року 1914 и нова православна деревяна церква Св. Юрия з року 1931. Религийна громада была православна и числила 566 вѣрникох. Державны инштитуции: сельска школа (една класа русинска и една чешска), жандарска станиця, заставка державного автобуса.Достал Я., с. 71.
Украинска доба в селѣ зачала ся вступом 237. стрѣлецкой дивизии Червеной армады. В добѣ УССР ту была комплексна бригада колгоспа «Радянська Верховина», лѣсництво, лѣсопункт, два цехы Межгорского лѣсокомбината — на обрабляня дерева и на выробу мучкы з иглича. В роках 1947 – 1968 тутешне лѣсництво засадило 1370 га лѣсу.
Днешность Во Вучковѣ фунгуе восѣмрочна школа, клуб взорной роботы, библиотека.
Вызнамны особы Василий Такач (1879–1948), первый епископ Русинской Грекокатолицкой Церкви США. Петро Продан (1919–2021), педагог и писатель — учительовав и творив в селѣ од року 1953, тут и похованый.
Сельска рада Вучківська сільська рада 90046, Закарпатська обл., Міжгірський р-н, с.Вучкове Тел. (03146)2-03-24 Администрованю сельской рады подряджене и сосѣдне село Подчумаль.
Интересны факты Село далеко познате своим пчоларством. Ту мож видѣти уникатный памятник пчолѣ мѣстной карпатской файты.Пилипчинець В., Нитка В. Недалека гора Кук (1361 м н.м.), што лежить около 12 км (воздушнов линиев) на сѣверовосток од села, вызначена мѣстныма географами як географичный центер области.
Жерела и одказы Fényes Elek: Magyarország geographiai szótára, I–IV. (Pest, 1851; reprint: Budapest, 1984) Révai nagy lexikona. 19. köt. Révai Testvérek Irodalmi Intézet Részvénytársaság, Budapest, 1926. Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969. Чучка, Павло: Прізвища закарпатських українців: Історико-етимолопмпий словник.— Львів: Світ, 2005. — 704+XLVIII с.
Референции
Катеґорія:Населены пункты Украины Катеґорія:Населены пункты Закарпатской области