Красна, Krásna, Abaszéplak — предмѣстя Кошиць, еден з 22 мѣстскых районох, котрый належить ку мѣстскому округу Кошицѣ IV.
Полога Красна лежить над рѣков Горнад в юго-выходной части Кошиць, в оддалѣню 7 км од центра.
История Перва упоминка в историчных жерелах датована роком 1143: в том року мадярскый шляхетный род Аба створив на том мѣстѣ бенедиктинскый монастырь, в латинском жерелѣ — abbas de Zebloc, Széplakapáti, Opátska. Слѣдом за тым, около монастырской осады зачало рости село Красна, Széplak, Krásna.
В зачатку XX. стороча монастырска осада Опатска, Széplak-Apáti и село Красна над Горнадом, Abauj-Széplak уже зросли ся. Осада мала 45 хыж, 370 мадярскых и словацкых обывательох, а быв там и нотарскый уряд. Село мало 146 хыж и 1019 словацкых обывательох, а была ту пошта, славне на цѣлу жупу велике молочарске газдовство Морица Виддера ай уряд справника од естергомской духовной семинарии (котрой было подряджене монастырске газдовство).Borovszky Samu – Sziklay János. В року 1945 село и осаду злучили довъедна, а в року 1976 прилучили ку Кошицям.
Днешность Красна мать основну школу зоз захоронков, котра несе имя Марка Крижевского, зоз статусом церковной школы, официална назва Základná škola s materskou školou sv. Marka Križina. Мать властный фотбаловый штадион и фотбаловый клуб Lokomotíva Košice a. s.
Одказы
Референции
Катеґорія:Населены пункты Словакии