Юлия Зейкан, Зейкан Юлія Петрівна, * 11. новембер 1943, Бѣлкы, Мадярске кральовство – † 30. апрѣль 2012, Ужгород, Украина — новинарька, писателька, сполоченска активистка в Закарпатской области Украины.Поп, Иван.Хланта І. В.
Биография Родила ся 11. новембра 1943 в Бѣлках, де юре Мадярского кральовства, але уже под владов военной администрации Червеной армады. По закончѣню филологичной факулты УжНУ (1967) учительовала, працовала в хустской районной новинцѣ Ленінська правда, пак в Закарпатском областном инштитутѣ учительского дошколованя. Од року 1972 — ведуча оддѣлу културы в редакции главной областной новинкы Закарпатска правда, де стала ся наставницьов многых молодых литераторох-зачаточникох. Была редакторков журнала Краянка.
Активно участнила ся в сполоченском и културном животѣ. Од року 1982 была на подозрѣню у безпекы.
Умерла в конци апрѣля 2012, погребена 4. мая 2012 в Ужгородѣ.Грицищук, Тетяна. Послѣдня ей книжка вышла посмертно.
Творба Писала по украинскы: критику, публицистику, начеркы, репортажы, рецензии, статьи. Перву новелу Доброго ранку, люди! появила в новинцѣ Закарпатска правда в року 1965, коли еще была штудентков УжНУ. Выступовала зо своима публикациями в областных и републиковых новинках, журналѣ Жовтень, колективных зберках. Колективны зберкы Молодий день (1979) Ранковий клич (1981) Володарі долі (1987) Соло невідправлених листів (2005) В сполуавторствѣ Красне поле (1999) Индивидуалны книгы Синє полум'я ранку (1981) Голубий вересень (1999) На дощ і блискавку (2012)Каталог ЦНБ ХНУ: На дощ і блискавку
Интересны факты Книга Голубий вересень была готова про выданя в року 1982, але засягла безпека, оригинал и вшиткы варианты были забраны, Юлия Зейкан была выслухована и были од ней взяты одбиткы перстох. Книгу удало ся выслободити аж в року 1998, а выдана была в року 1999 властным коштом авторкы.
Жерела и одказы Поп, Иван: Зейкан Юлия. //Иван Поп: Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 181. Хланта І. В: Зейкан Юлія Петрівна. //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. «Гражда». Ужгород, 2007. С. 135.
Референции
Катеґорія:Украинскы писателе Катеґорія:Новинаре