Подкарпатское Общество Наук, покуртано П.О.Н., Kárpátaljai Tudományos Társaság — перва русинска научно-културна инштитуция на Подкарпатю, котра официално стояла на позициях русинофилства.Михайло АлмашійИван Поп
П.О.Н. было подтримоване мадярсков владов.В. М. (Василь Маркусь) З приходом комунистичной добы Общество было ликвидоване.
Взник и штруктура Основане в Ужгородѣ 26. януара 1941 з инициативы регентского комисаря Миклоша Козмы, родака Подкарпатя. Задача П.О.Н. была «служити вытворѣню самостойной народной свѣдомости Русинох» як части мадярской политичной нации. Найпервѣйшым практичным посланьом П.О.Н. стала ся кодификация русинского литературного языка. П.О.Н. закладно ся одличовало од Просвѣты и Общества Александра Духновича: была то научна инштитуция зоз 35 членами, свого рода русинска Академия наук. Складовали общество три оддѣлы: научный, умѣлецко-етнографичный ай оддѣл русинского языка и литературы.Михайло Алмашій
Працовны кабинеты П.О.Н. были розмѣщены на штоку зохабленого на тот час властниками будинка Просвѣты. А в дворѣ, в маленькой хыжцѣ, бывав активный член Общества Федор Потушняк.Тетяна Літераті
Особности Первым предсѣдником быв вызнамный историк Антоний Годинка, а по його смерти — каноник Александер Илницкый. Але фактично справовав П.О.Н. выбраный його членами выконный директор, а быв то за вшиткы четыри рокы историк и филолог Иван Гарайда. Хоть за ним названа една з улиць Ужгорода, не каждый з варощан знать, кым быв Гарайда и што цѣнного зробив. Една з найвекшых його заслуг якраз и была успѣшна робота Подкарпатского Общества Наук, котре выдавало нараз три периодикы: научный журнал Зоря-Hajnal, новинкы Литературна Недѣля, Руська молодежь, а еще каждорочный календарь. Авторами были добрѣ познаты крайознатель Петро Сова, малярь Адалберт Ерделий, писатель Федор Потушняк, орнитолог Александер Грабарь, музикознатель Петро Милославскый и вельо иншых, якы публиковали направдѣ интересны й поучны статьи з истории, филологии, биологии, географии, етнографии нашого краю, литературны творы тай инше.
Резултаты Окрем спомянутых трьох периодикох выданы серии книжок Литературно-наукова библіотека (42 книжкы),Михаил Капраль, сс. 111–116 Народна библіотека (32 книжкы),Михаил Капраль, с. 117 Дѣточа библіотека (12 книжок),Михаил Капраль, сс. 121–122 школны учебникы (3 титулы),Михаил Капраль, с. 122 Великы сельско-господарскы календарѣ на рокы 1941 аж 1944, в том числѣ про бачванскых Русинох в их диалектѣ.Михаил Капраль, сс. 101–110 Тоты числа еще веце доимають, кедь усвѣдомиме собѣ, же быв то час войны.
Свое основне посланя, кодификацию русинского языка, Подкарпатское Общество Наук сповнило, выдавши граматику Ивана Гарайды. Авторами публикаций П.О.Н. были люде вшиткых ориентаций, в попередной чехословацкой добѣ часто непримиримы неприятелѣ. Не случайно в период тоталитного комунистичного режима еден из активных участникох Общества, Федор Потушняк, носталгично назвав добу чинности П.О.Н. «золотым вѣком нашой литературы».
Жерела и одказы Михайло Алмашій: Подкарпатское Общество Наук //Алмашій, Михайло. Русинська педагогічна енциклопедія. — Ужгород: Карпатська Вежа, 2005. — 304 с. Сс. 207–208. Михаил Капраль: Подкарпатское Общество Наукъ. Публикаціи: 1941–1944. — Ужгород: ПоліПрінт, 2002 — 173 с., ил. В. М. (Василь Маркусь): Подкарпатське Общество Наук. //Енциклопедія українознавства : Словникова частина 6 / Гол. ред. Володимир Кубийович / Наукове товариство імені Шевченка ; гол. ред. проф., д-р Володимир Кубійович. — Париж ; Нью-Йорк : Молоде життя , 1976; с. 2146. И. Поп: Подкарпатское Общество Наук //Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. Сс. 306–307.
Референции
Катеґорія:Русиньскы орґанізації Катеґорія:История Подкарпатя