За́луж, Залу́жжя — село в Мукачовском районѣ Закарпатской области Украины, оддалене о 18 км од районного центра.Тронько П. и др., с. 433.
Сельска рада Залужанська сільська рада 89675, Закарпатська обл., Мукачівський р-н, с. Залужжя, вул. Духновича, 48а
Од року 2020 входить до Мукачовской громады.
Назва Русинска назва Залуж, хоснована в досовѣтскый период (до року 1944) походить од слова луг. Мадярска назва Beregkisalmás походить од alma яблоко.Sebestyén Zsolt, с. 73.
История Найдавнѣйша добаСело познате од року 1451. Под роком 1733 упомянута деревяна церква Йоанна Крестителя з трьома звонами. В роках 1909–1912 талианскы майстры выставили муровану Покровску церкву.Федака С., сс. 86–87.
Чехословацка добаВ селѣ быв нотарскый уряд, пошта, телеграф, телефон, русинска школа (3 класы) и чешска (1 класа), ходив державный автобус.Ярослав Достал, с. 130.
Совѣтска доба10. августа 1946 тут отворили перву в области сельску болницю, котра обслужовала 12 околичных сел. Восени в року 1948 организоване дружство колгосп «Радянська влада» . В року 1950 злучили го з ромочевицкым колгоспом «Ленінський шлях» и створили колгосп «Більшовик». В року 1954 Залужской сельрадѣ подрядили Ромочевицю, а в року 1962 само село припоили до Залужа. В зачатку 1980-х отворили музичну школу. В року 1986 росширили середню общеобразовну школу.
Обывательство В року 1910 зоз 727 обывательох были: 515 Русины, 111 Мадяре, 100 Нѣмцѣ. Подля вѣры: 544 грекокатолици, 144 израелиты, 27 римокатолици.A történelmi Magyarország. В року 1930 зоз 813 обывательох заевидованы: 670 Русины, 121 Евреи, 11 Чехы и Словаци, 6 Мадяре, 3 Нѣмцѣ, 2 чужоземцѣ.
Интересны факты 22. септембра 1983 при селови згорѣв автобус зоз 29 пасажерами, на память трагедии стоить знак (од року 2003).
Вызнамны особы Павел Цибере (1910–1979), правник, вызнамный подкарпатскый русинскый политик и дипломат, учитель.
Жерела и одказы A történelmi Magyarország atlasza és adattára 1914 Sebestyén Zsolt: Bereg megye helységneveinek etimológiai szótára Ярослав Достал. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Ярослав Достал. Підкарпатська Русь (Закарпаття періоду Чехословацької республіки: 1919–1938) Тронько П. и др. (ред.): Історія міст і сіл України. Том 7. Закарпатська область. К. 1969. Федака С.: Населені пункти і райони Закарпаття: Істор.-геогр. довід. Уж., 2014. Одчитане 2020-05-13
Референции
Катеґорія:Населены пункты Украины