Роднико́вка, Родниківка (в роках 1600–1945 Извор, мѣстна назва Звур) — село в бывшом Свалявском районѣ (од року 2020 — в Мукачовском) Закарпатской области Украины, од бывшого районного центра оддалене о 22 км,Тронько П., с. 565. од теперѣшного о 51 кмОдстояня Мукачово-Свалява
Обывательство подля списованя з рока 2001 было 862 особы.
История Перва упоминка походить з року 1600. Подля Легоцкого, назва села пошла од потока Извор, над котрым ся выставили первы хыжѣ села. Мадярска назва села была Izvor аж до року 1904, коли при упорядочѣню назв взникла тогдышна назва Beregforrás, де перва часть указуе на жупу, а друга — означать кырницю.
В чехословацкой добѣ, подля списованя з року 1921 в селѣ Izvor (Beregforrás) было 78 хыж и 453 обывателѣ, з них 429 Русины, 15 Евреи, 4 Мадяре, 3 Чехы и Словакы, 2 чужоземцѣ. Нотарськый уряд, медична служба, пошта, телефон были в Полянѣ, жандарскый уряд в Плоскому, желѣзнична штация в Свалявѣ (оддалена о 21 км).
Подля списованя з року 1930 в селѣ Izvor (Beregforrás) зафиксованы 632 особы, з того: 592 Русины, 15 Евреи, 8 Нѣмцѣ, 17 — чужоземцѣ. Религийна грекокатолицка громада числила 607 вѣрникох и мала муровану церкву св. Михаила з року 1852, в селѣ была русинска школа (2 класы), властный нотарскый, поштовый и жандарскый уряды.Достал Я., с.173.
Украинска доба села зачала ся 24. октобра 1944, з приходом Червеной армады. В селѣ отворили библиотеку, клуб и «комнату щастя» (так называли мѣстность в сельской радѣ, де регистровали побраня и новородженых).
Вызнамны родаци Петро Лизанець, вызнамный украинско-мадярскый языкознатель
Интересны факты
В року 1946 украинска комунистична влада змѣнила историчну (од року 1600) назву села Извор на Родниківка, парадоксално назвавши то «збереження історичних найменувань». Тота комунистична назва зоставать доднесь, ани авторитета П. М. Лизанця, котрый доказав фалшивость и неграмотность такого перейменованя, ани легислативного акта о декомунизации не было доста, жебы вернути реално историчну назву.
Жерела и одказы Sebestyén Zsolt: Bereg megye helységneveinek etimológiai szótára. — Nyíregyháza: Bessenyei Könyvkiadó, 2010 Доступно онлайн Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Закарпатской области Катеґорія:Населены пункты Украины Катеґорія:Села Україны