Русскій соловей — зберка русинскых людовых спѣванок, зобрана Михаилом Врабельом и выдана в Унгварѣ в року 1890, перва книжка в истории бачванскых Русинох, напечатана их бесѣдов.Микола М. Цап
Рецепция На Врабельову зберку одозвали ся рецензиями його сочасникы, як позитивныма, так и негативныма. Критика одзначала, же в зберцѣ суть не лем правдивы народны спѣванкы, але и поезии од розличных авторох и часто их авторы «хочуть приблизити литературный язык ку великорусскому, з котрым недоста добрѣ знакомы, и достають чудный, даколи смѣшный язык». Польскый етнографичный журнал Wisła, 1980/4 такы поезии назвав wierszydła-ми и, не давши собѣ далшой намагы, в девятьох рядках засудив зберку. Напротив, Славянскіе Извѣстія, 1890/44 Врабеля и його зберку хвалять и прославляють и называють «драгоцѣнным выданьом, де мож легко ся запознати з народным русскым языком угорскых селян», не позераючи на то, же там велика часть спѣванок не народна. Подробный розбор книжкы дав Владимир Перетц в роботѣ К вопросу о взаимном влиянии песен славянских народов (Кіевская старина, 1892), котра того ж року вышла и окремов брожуров.Владиміръ Перетцъ Автор зазначать тыж и вельо позитивных сторон зберькы, меджи иншым, на сторонѣ 68 находить «обстойный верш, повный щирого вдухновѣня»:
котрый первый раз быв опубликованый в зберцѣ Врабеля, а по часѣ став ся русинсков гимнов.
Вызнам Независимо од критикы, справедливой або не все, книга в своем часѣ мала великый вызнам, бо через недостаток русинскых книг, охотны до читаня мусѣли брати ся до сербской або словацкой литературы, котру розумѣли, а пак одты черпали литературны знаня и взоры про наслѣдованя. Парадоксално, але в нашой добѣ само имя Врабеля стало ся призабытым, а його зберка — недоступнов про днешного читателя. Зато, коли в року 2014 старанями добродѣйкы Наталии Гаттас (США) в Ужгородѣ вышло репринтне выданя той и еще едной зберькы Михаила Врабеля, днешна критика тот факт оцѣнюе як хосенный и похвалный.Сергій Федака
Окремый вызнам мала тота книжка про бачванскых Русинох.
Жерела и одказы Владиміръ Перетцъ: Слово о «Русскомъ соловьѣ» — Кіевъ: Типографія Г. Т. Корчакъ-Новицкаго, 1892. Одчитане: 2020-07-26
Микола М. Цап: Столїтиє «Русского соловея» //Народни календар 1990 — Нови Сад: Руске слово, 1989 Сс. 47–50
Референции
Категория:Русиньска література