Алкалоиды, од alkali алкалия, луг + εἶδος вид, вызир — органичны алкалии, обсягуючы азот, природного (переважно ростлинного) походжѣня.Прохоров А. М., с. 38. Окрем атомох С, Н и N молекулы алкалоидох можуть обсяговати атомы S, зрѣдка Сl або Вг.Кнунянц И.Л., с. 22.
Назвы и класификация Традично алкалоиды называють од вида або рода алкалоидоносной ростлины з додаваньом суфикса -ин, напримѣр, атропин (выбраный з ростлины Atropa belladonna), стрихнин (зоз Strychnos nux Vomica).
Алкалоиды класификують тыж по филогенетичному принципу, збераючи в едну групу вшиткы злученины, выбраны з ростлин едного рода. Напримѣр: алкалоиды дафнифилума, алкалоиды ипекакуаны, алкалоиды ликоподиума. Але найвеце росширена класификация, основана на штруктурѣ карбоно-азотного скелета молекулы, напримѣр, изохинолиновы, пептидны, пиридиновы, пуриновы, хиназолиновы, хинолиновые алкалоиды.
Росширѣня и биологична роль Познають около 10 000 алкалоидох, выокремленых з ростлин. Алкалоиды чинять физиологичне оддѣйованя на организм звѣрят и люди, переважно на нервову систему, зашто суть поуживаны в медицинѣ (кофеин, морфин, ефедрин и др.) и в земледѣлствѣ (як ѣды на шкодникы). Биологична роль алкалоидох в ростлинах остаточно неясна. Може то быти самоохрана ростлин од пожертя звѣрятами, або форма засобованя органичным азотом.
Жерела и одказы Кнунянц И.Л. (гл. ред.): Химический энциклопедический словарь. — Москва: Советская энциклопедия. 1983. — 792 с. Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с.
Референции
Категория:Алкалоиды