Общество имени Михаила Качковского — русинска сполоченско-културна организация, закладена в року 1874 в Галичинѣ и ликвидована комунистичнов владов по анексии Галичины в року 1939.

Взник Общество было закладене в Коломыи 8.(20.) августа 1874 (в день смерти М. Качковского). Але уже наступного року перенесло свое сѣдлиско до Львова, де лѣпше могло ся активизовати.Орлевич (2009) Задачами общества было ширѣня наукы, воспитаня роботности, тверезности, шпоровливости, сполоченской свѣдомости тай иншых честнот серед руского люду в Австро-Мадярщинѣ.Орлевич (2012) Курто сформуловав принцип чинности общества його инициатор, : «Моли ся, учи ся, труди ся, трезви ся» — и тоты слова стали ся геслом организации. Патроном общества быв выбраный Михаил Качковскый (1802–1872), котрый вшиток свой маеток, 60 000 ринскых золотых, в тестаментѣ одказав Народному дому во Львовѣ, жебы зыск з того капиталу служив на културу и просвѣту галичскых Русинох.

Чинность ВыдавательствоОсновнов чинностьов Общества было выдаваня и ширѣня тунѣх книжок про люд, рочно по 10–12 брожурок религийно-моралного, учебного ай газдовско-економичного характеру, а тыж красного писемства тай историчных. Од року 1884 зачали выходити периодикы: Календаръ общества , од 1907 — новинка Экономичный листокъ. В роках 1871–1899, 1902–1914 выдавали журнал Наука.Горбаль Б.; Маґочій П. Р. Односно языка точила ся дискузия, але переважно выданя были людовов бесѣдов в етимологичном правописѣ, а тыж мож твердити, же аж до зачатку в основѣ была украинска лексика. Инша чинность Окрем выдавательства Общество заряджовало по городах и селах безплатны читалнѣ, общества тверезности, притулкы и бурсы про худобнѣйшу руску молодеж, хлѣбны склады, позычковы и шпоровны касы, економичны выставкы, лекции и читаня. Предсѣдателями Общества были 1874–1876 Иван Наумович 1876–1880 Венедикт Площанскый 1880–1884 Теофил Павликов 1884–1903 Богдан Дѣдицкый 1903–1914 Филипп Свистун По войнѣ в челѣ Общества стояли А. Алексевич, М. Глушкевич, Я. Вербицкый, А. Копыстянскый.Кубійович В. РосширѣняКу зачатку Первой свѣтовой войны едным з основных центрох Общества была Лемковина, де были 109 читалнѣ (1912). Цѣле число читалень той организации по вшиткой Галичинѣ в року 1914 — около 300. Лемкы в США тыж мали по четыри читалнѣ Общества Качковского в штатах Коннектикут и Пенсилвания. По войнѣ Общество поступно утрачовало популарность, и в року 1936 на Лемковинѣ зостали лем 63 читалнѣ.

Жерела и одказы Горбаль Б.; Маґочій П. Р.: Товариство імені Михайла Качковського // С. 733. Кубійович В. (ред.): Общество ім. Михайла Качковського //Енциклопедія українознавства. Словникова частина в 11 т. / Наукове товариство імені Шевченка ; гол. ред. проф., д-р Володимир Кубійович. — Париж ; Нью-Йорк : Молоде життя, 1976. Том 5, с. 1807.

Орлевич І. В. Товариство імені Михайла Качковського в національно-політичному русі галицьких українців (1874—1914) / І. В. Орлевич // Наука. Релігія. Суспільство. — 2009. — № 4. — С. 101-109. Сухий О. Товариство імені Михайла Качковського: ідеологія та напрями діяльності (70–80-ті рр. ХІХ ст.) / Сухий О. // Проблеми історії України ХІХ — початку ХХ ст. — 2004. — № 7. — С. 205—228.

Качковский Михаил, 1802–1872 (статья) ЭСБЕ //Энциклопедический словарь Брокгауза и Ефрона — т. XIVa (1895): Карданахи – Керо, сс. 814–815 Референции

Катеґорія:Русиньскы орґанізації