Карловицкый конгрес (1698—1699) — меджинародный конгрес, котрый ся отворив в октобрѣ 1698 в Карловцях, Karlowitz (нынѣ Срѣмскы Карловци, Войводина, Сербия), скликаный про завязаня мирного договора меджи штатами Священной лигы (Священна римска империя, Венецка република, Русске царство и Рѣчь Посполита) з едной стороны и Османсков империев з другой стороны.Encyclopædia BritannicaБольшая российская энциклопедияКонстантинов В. Ю.
Карловицкому конгресу предходжав ряд военных поражок Османской империи од войск Священной лигы, включно з повным розгромом турецкых войск в року 1683 под Вѣдньом. Российска сторона усиловала ся о сполочну мирну догоду коалиции з Османсков империев, котра бы означала и сполочну подтримку ей претензий на передачу завойованых територий при южных морях (Азов и нижный ток Днѣпра). Але якраз то не хотѣли партнеры в коалиции, ани в догварьках Великого посолства (1697–1698) тоту их позицию не подарило ся змѣнити.
В конци лѣта 1697 османский султан выправив послѣдне велике тяжѣня на сѣвер, але быв дефинитивно розбитый в битцѣ при Зентѣ 11. септембра, наслѣдком чого пристав на догваряня. Мирный конгрес зышов ся в року 1698 в Срѣмскых Карловцях, недалеко од Београда. То было первый раз, же Турци прияли догваряня з коалициев европскых держав при посередництвѣ невтралных держав и наконець 26. януара 1699 вызнали свою поражку. Резултатом конгреса стала ся передача Княжества Ардял и векшой части Мадярского кральовства, выслободженых од Османской империи под контролу Австрии. Тото значно змалило турецкый вплыв в Европѣ и зробило Австрию доминуючов державов.
Карловицкый мир, подписаный в януарѣ 1699 через выниклы роспоры межди членами коалиции складовав ся з их окремых догод з Османсков империев, а Россия подписала лем примирѣня на два рокы, а остаточне урегулованя было досягнуте Константинопольскым миром (1700).
Жерела и одказы
КАРЛОВИЦКИЙ КОНГРЕСС 1698–99 // Большая российская энциклопедия. Том 13. Москва, 2009, стр. 178 Верзия: 2016. Одчитане: 15.12.2020
Референции
Категория:История Австрии Категория:История Литвы Категория:История Мадярщины Категория:История Польщи Катеґорія:История России Категория:История Турции Категория:Мировы договоры