Оравский замок, Oravský hrad, Árva vára — замок в Словакии в селѣ Оравскый Подзамок, вызнамна доминанта региона Орава, еден з перворядных памятникох замковой архитектуры Словакии, храненый народный памятник културы.Официална сторона
Полога Замок лежить о на сѣверовыход од Долного Кубина, в катастрѣ Оравского Подзамку, над рѣков Орава, на около 100-метровой вышкы скалѣ.
История
Перва документална упоминка Оравского замка датована роком 1267.Oravský hrad | Hrady, zámky, kaštiele a ostatné pamiatky na Slovensku Замок тогды належав кралю Бейлови IV., пак дале його наступникам. Од року 1370 замок мав статус жупного замка, а в ньому з кральового повѣрѣня владли замковый жупан (árvai várispán). В року 1484 краль Матяш Корвин поклав за жупана свого немалженского сына Яноша Корвина и даровав му грофску титулу, аж в року 1495 (по смерти Матяша Корвина) тоты, въедно з иншыма маетками одняв му магнат Иштван Заполяи.Révai nagy lexikona, том 2, сс. 143–144. В року 1556 замок достала до тырвалой держбы родина Турзовцьох (Thurzók) за , аж покля им кральовскый двор выдаткы не верне, а од року 1606 — уже яко дѣдичный маеток «за мечом и кудельов». В року 1621, коли выгасла мужска линия рода, женска линия, 7 сестер, створили тзв. Оравскый компосесорат (Оравске замкове панство), маеткы котрого ся все справовали выбраным справцьом: так ся удало захранити и успѣшно розбудововати замок, а в року 1868 ай отворити ту музей, еден з найстаршых в Словакии. По Другой свѣтовой войнѣ маеток панства быв знародненый.
Части замка Оравскый замок ся складать з трьох части: горный замок — найстарша часть з XIII. стороча; середный замок — XV. – XVI. стороча, каштель Корвина, каштель Яна з Дубовця, обытна турня; нижний замок — найновша часть, каштель Турзовцьох, каплиця и фара, административны будовы и архив, оборонны первы, другы и третѣ замковы ворота.
Интересны факты В середньом замку в скалѣ выбитый 91-метровый колодязь з питнов водов. В часѣ Другой свѣтовой войнѣ нѣмецкы войска зрядили в замку артилерийску дозорну точку, але як на ню выпалили салву совѣтскы «катюшы», забрали ся гет, жебы не ризиковати пошкоджѣня цѣнной памяткы.
Жерела и одказы Révai nagy lexikona. 2. köt. Révai Testvérek Irodalmi Intézet Részvénytársaság, Budapest. 1911. Официална сторона Оравского музея Обзор Оравского музея
Референции
Категория:Туристика на Словеньску Категория:История Словеньска