Бипатри́ды, од bis ‘двараз’ и πατρίς, gen. πατρίδος ‘отечество’, ‘домовина’ — правный статус такых физичных особ (в римском правѣ), котры едночасно мають горожанство двох штатох, а при том каждый з них годен жадати од такой особы сповнѣня вшиткых ей горожанскых повинностей.Менжинский В. И.М. Гнатовський В подобной ситуации (бипатризм) суть тыж особы, котры мають вецей як два горожанства.Буткевич О. В.
Двоите горожанство може взникнути: при уроджѣню дѣтины од горожан штату, практикуючого при вызначѣню горожанства принцип права крови (ius sanguinus), на територии штату, де ся поуживать принцип права грунту (ius soli); при побраню жены з чужоземцьом, кедь подля законодавства ей штату она не вылучать ся зоз горожанства по вступлѣню в сопружество, а подля законодавства мужового штату автоматично набывать его штатне горожанство; при перемѣнѣ горожанства через натурализацию, кедь особа перед тым не злагодила змѣну горожанства зоз штатом, горожанином которого была до натурализации. Проблемы правного статуса бипатридох звязаны з тым, же каждый штат, котрый поважуе дану особу своим горожанином, в принципѣ мать право жадати од ней повнѣня горожанскых повинностей (зокрема, военской службы). При том бипатрид на територии штату, котрого е горожанином, не годен одречи сповнѣня своих горожанскых повинностей, одкликуючи ся на свои повинности перед иншым штатом.
Жерела и одказы Буткевич О. В.: Багатогромадянство //Українська дипломатична енциклопедія: / редкол.: (голова) та ін.; худож.-оформлювач . — Харків: Фоліо, 2013. — . М. Гнатовський: Біпатриди //Політична енциклопедія / редкол.: (голова), (заст. голови). — К. : Парламентське видавництво, 2011. — . — Копия, одчитане 2021-06-05
Референции
Катеґорія:Межинародне право Катеґорія:Держава