Верховинска акция, Hegyvidéki akció — проба мадярской влады вылѣпшити економичну ситуацию в горскых округах Угорской Руси, зачата в роках 1897–1901.Іван Поп
Проблема емиграции и реакция Церкви В конци XIX. стороча в Угорской Руси зачала ся масова емиграция Русинох до США и Канады, внаслѣдку аграрной перенаселености и утраты земель через задовженость лихварям. О катастрофичной ситуации русинскых сел в жупах Земплин, Унг, Берег и Мараморош будапештску владу информовав епископ Мукачовскый Юлий Фирцак (1836-1912), подавши въедно з 14 посланцями парламенту зачатком року 1897 шефови влады Меморандум.о спомоганю материалного и духовного процвѣтаня русинского обывательства в подножу сѣверовыходных Карпат. Авторы в документѣ рекомендовали такы поступы:Мандрик Є.О. в културѣ, просвѣтѣ — подняти материалне заосмотрѣня учителям и священикам, организовати газдовскы школы; в торговли, промыслѣ — розвивати рукодѣлны промыслы, застачити инвентарь; залучати мѣстнѣ трудовы ресурсы на выставбѣ дорог; в агровыробѣ — рѣшити проблему малозысковости, нерационалного роздѣлу земель. Епископ залучив до активной роботы в акции вшиток клир, а 25 священикы прослухали мѣсячны газдовскы курсы при министерствѣ земледѣлства.
Залучѣня Едмунда Егана Восени 1897 на чоло акции быв покладеный Едмунд Еган, а в Мукачовѣ быв створеный ей административный орган — Експозитура про горскы районы. Еган проштудовав ситуацию и в януарѣ 1898 подав владѣ документ,Еган Е.: Економічне положення руських селян в Угорщині де сформуловав три основны напрямы Верховинской акции, котры мали вылучити з процеса агровыробы посередника-лихваря, а тоту функцию мала перебрати Експозитура: организация аренды землѣ и паствиск; организация ефективного скотарства; организация кредитных сполкох.
Резултаты акции Експозитура подля плану Егана зачала селянам выдавати на аренду землю через 4303 заможны газдовства (або и продавати). В Нижных Верецках была створена газдовска експериментална штация, де выпрацововали ефективны способы садовництва, винничарства, скотарства, хова птицѣ и пчол, даякых техничных култур (лену, коноплѣ). По окремых селах створили взоровы газдовства. З Тиролу, Швайцу, Баварии в роках 1897–1906 завезли понад 1500 голов статку, котрый продали в 151 село Берега и Марамороша. Експозитура помогла розвити кооперативный рух на селѣ и банковы установы по варошах: в року 1909 на Подкарпатю дѣяли 58 банкы и шпорилнѣ, число кредитних сполккох меджи роками 1900 а 1913 выростло од 31 до 206, а их членство — од до , циже о .Віднянський С. В.
Реаговала Експозитура и на рекомендации меморандума : обновльовали забыты людовы традичны ремесла и створьовали новы, по селах робили дробны и векшы кооперативы и майстернѣ. Так, в року 1909, в Подкарпатю фунговали 26 лозоплетѣлны и 15 дереворобны майстернѣ, 6 — на выробы з шашу, 10 — на тканя покровцьох, в якых мали заробок понад 3700 особ. На зачатку XX. стороча понад 90 тысяч сельскых родин Подкарпатя жили, переважно, з роботы за наймом. Про ослаблѣня заграничной трудовой емиграции и утриманя такой робочой силы в державѣ, Експозитура каждорочно вербовала и одсылала великы групы роботникох (до понад особ рочно) до розличных газдовств Австро-Мадярщины.
Заключѣня Верховинска акция помогла подняти економику горскых районох Подкарпатя, котра ся ставала все май товарна и прогресивна в системах земледѣлства: еволуционовала од дво- и триполной плодозмѣны до многополной, росширила сѣйны плохы, выростли уроды зерновых. Хоть ся з тым вылѣпшило становиско лем малой части селян, але и акция, ай сам Еган (забитый, правдоподобно, лихварями, незадоволеныма его дѣями) зостали в доброй памяти люду. По смерти Егана акция стратила динамику и под неперестаючов критиков ся загамовала. Акция не досягла жадану цѣль: емиграция за роботов не переставала.
Жерела и одказы Віднянський С. В.: Верховинська господарська акція //Енциклопедія історії України: / редкол.: (голова) та ін.; Інститут історії України НАН України. — Київ: Наукова думка, 2003.
Іван Поп:Верховинська акція (Hegyvidéki akció) //
Референции
Категория:История Подкарпатя