Карой Мейсарош, Mészáros Károly, *20. юл 1821, Гайдудорог, Мадярске кральовство – †2. фебруар 1890, Завадка, жупа Унг (днесь Словакия) — мадярскый новинарь, правник, историк, автор книгы о Русинах Мадярского кральовства и первой истории Унгвара.Szinnyei JózsefKenyeres Ágnes
Карой Мейсарош выдав довъедна 26 книг и написав понад 800 статей, переважно на историчны и правничы темы.Pirigyi István
Биография Карой Мейсарош походив зо схудобнѣлой горожанской грекокатолицкой родины, а ку тому в року 1831 в лютуючой в Гайдудорогу колерѣ умер му отець, котрый утримовав родину шустерством, так же не вызерало, же дѣтвак годен буде выштудовати дашто вецей як зачаточну школу, выше од котрой в селѣ тогды нич не было. Але вдякы тому, же мѣстный парох Деметер Керекеш, увидѣв его безмѣрну тугу учити ся и взяв над ним патронат, а наступно так и мукачовскый епископ Василий Попович, стало ся цѣлком иншак: Архивоване, формат pdf, вступне слово: Csorba Caba учив ся в гимназиях в Дебреценѣ и Оради, в духовной семинарии в Оради, на универзитѣ в Пейчу, пак в Пештѣ, де штудовав право и дипломовав в року 1846. Того ж року здав адвокатскый испыт и практиковав приватно, а пак достав уряд табуларного судьи в жупѣ Мошон.Magyar Katolikus Lexikon В часѣ штудий навщѣвовав предреволучны кружкы пештскых штудентох, але мав помѣрны погляды на тогочасну и будучу позицию Мадярщины в унии з Австрийсков империев.Іван Поп В период револуции 1848–1849 выступав як новинарь, хроникарь револуции. В року 1850, по задушѣню револуции, коли настав твердый абсолутистичный режим имперского министра , мусѣв ся скрыти, боячи ся арешту, до провинчных Гайдудорога и Унгвару, де розрахововав на адвокатску практику и мѣсто учителя. Але в Унгварѣ му еще раз пощастило: в року 1850 достав уряд судового засѣдателя. Кедь в Мошонѣ (1846.04.20–1848.06) быв выбраный за свои конзерватизм, помѣрность и ученость, ту в Унгварѣ заважила его грекокатолицка вѣра и литературна слава. 21. апрѣля 1851 29-рочный Карой Мейсарош оженив ся з 17-рочнов Амалиев Коллар, старшов дѣвков заможного землепана зо Завадкы, судового урядника жупы Унг во выслужбѣ. Через интригы неприятельох в року 1853 стратив уряд судового засѣдателя, а в року 1856 была му заказана адвокатска практика як участнику револуции. Тогды з родинов перебрав ся до Будапешту, де заробляв як новинарь и литератор, але в року 1959 вернули ся до Завадкы и купили невеликый маеток в Минаю, де зачали ся занимати газдовством. Причинами такого рѣшѣня было раз то, же Каройови од редакторской роботы силно заслабли очи и намѣнив собѣ стати ся посланцьом до парламента од Подкарпатя, бо так годен бы одстояти свои идеи лѣпше як новинарсков чинностьов; а другый раз то, же Амалия навыкла до сельского живота, не любила собѣ в Будапештѣ и дорѣкала мужови за его непрактичность в газдовствѣ и финанциях, котра го привела до утраты около 3000 позыченых форинтох. Од року 1865 уже достав назад право адвокатской чинности и кандидовав до парламенту, але не успѣв. Занимав урядны мѣста на державной службѣ в жупѣ Унг: голова школной управы, честный старшый нотарош жупы, а в року 1876 предсѣдовав на всемадярском нотарском конгресѣ. В послѣдных роках свого живота пробовав приблизити реализацию мрѣи свого патрона, спочилого : добити ся заведжѣня мадярского литургийного языка в грекокатолицкых мадярскых парохиях. Понеже ни Ватикан, ни влада тото не дозволяли, створив литературне общество, котре выдавало литургийны книгы в мадярском языку. Але ани он сам не дожив до реализации той мрѣи: мадярскый литургийный язык зазвучав лем в року 1912 в церквах новоствореной Гайдудорогской грекокатолицкой епархии.
Историк Ужгорода и Русинох
В Унгварѣ ся первый раз спознав з русинсков проблемов и вступив в остру конфронтацию з лидером русинского руху . Быв его опонентом дотычно тзв. «Руського округа». быв патриот мадярского штату, прихылник идеи мадярской политичной нации, противник всякого сепаратизму на историчной територии Мадярского кральовства. Выдав книгу о истории Русинох Мадярщины (А magyarországi oroszok története, 1850), в котрой выступив як либерал, вызнаючи автохтонность Русинох и их природны права, плынучы з того факта, тым на себе стяг остру критику од радикалных мадярскых националистох. В таком духу суть выдержаны ай иншы его историчны дѣла: поровнална история народох Мадярщины (Magyarország népei történeti tekintetben, 1852), история Унгвара (Ungvár története a legrégibb időktől máig, 1861). В Унгварѣ основав печатню (1861), выдавав новинкы (Kárpáti Hírnök,1861; Ungvári Hírlap, 1867; Község Lapja, ).
Жерела и одказы
Pirigyi István: Mészáros Károly. //Posztbizánci közlemények, III. évf. (1997) .
Іван Поп: Мейсарош Карой (Mészáros Károly) //
Референции
Категория:Мадярскы новинаре Категория:Мадярскы писателе Категория:Мадярскы историци