Штефан Пю (анґл. Stefan Morgenschweis Pugh, *2. юлія 1956, Вашінґтон, США — † 8. октобра 2013, Дейтон, Огайо, США) быв лінґвіста і педаґоґ, шпеціаліста на русиньскый язык.
Біоґрафія Родив ся у Вашінґтонї в родинї діпломата шкотьского поводу. Закінчів Дюкову універзіту в Северній Каролінї (1978), пак абсолвовав славістічны штудії на Єльскій універзітї (1979) і здобыв докторат на Універзітї Северной Кароліны в Чапел Гілл (1984).
Спершу ся став професором російского языка і лінґвістікы на Дюковій універзітї (1980–1996), потім выучовав і вів оддїлїня російского языка на Універзітї в Сент-Ендрюс у Шкотьску (1995–2008). Од року 2008 до кінця жывота робив як професор і ведучый оддїлїня сучасных языків Врайтьской універзіты в Дейтонї, Огайо.
Інтересовав ся історічнов і контактовов лінґвістіков, соціолінґвістіков. У 2006. роцї ся зачав занимати русиньскым языком. Взяв участь на 3. Меджінароднім конґресї русиньского языка в 2007. роцї, быв зволеный до інтерреґіоналной рады русиньского языка. У роках 2010–2012 выучовав русиньскый язык на лїтнїй школї Studium Carpatho-Ruthenorum.
В 2007. роцї Пю выдав першый том своёй історічной ґраматікы выходославяньскых языків, до котрого залучів ай русиньскый язык.Планованы зістали далшы два томы — о склонёваню і часованю. Поз. Pugh 2007, с. 7, 126. В 2009. роцї вышла далша ёго робота, котру сам означів як першу ґраматіку русиньского языка по анґліцькы і цїлково першу традічну ґраматіку ёго пряшівского варіанта. Ґраматіка подавать фонолоґію, морфолоґію і основы сінтаксіса кодіфікованого русиньского языка Словакії в порівнаню з лемківскым і підкарпатьскым варіантами. Послїдню книгу Пю, „Вітаєме!“, выдану по ёго смерти в 2021. роцї, докінчіли Вейлз Бравн і Роберт Ротстін. (редакчна позначка) Іде о першый практічный курз русиньского языка, написаный в чуджім языку.Pugh 2021, с. xi.
Выбраны публікації The Ruthenian Language of Meletij Smotryc'kyj: Phonology. // Harvard Ukrainian Studies 9/1-2, 1985. Colloquial Ukrainian. A Complete Language Course (сполуавтор Ian J. Press). London, New York: Routledge, 1994. Testament to Ruthenian. A Linguistic Analysis of the Smotryc'kyj Variant. 1996. Systems in Contact, System in Motion: the Assimilation of Russian Verbs in the Baltic-Finnic Languages of Russia. Uppsala: Acta Universitatis Upsaliensis, 1999. Ukrainian. A Comprehensive Grammar (сполуавтор Ian J. Press). London, New York: Routledge, 1999. A New Historical Grammar of the East Slavic Languages. Vol. 1: Introduction and Phonology. München: Lincom Europa, 2007. К вопросу о лексических заимствованиях в литературных языках: в центре внимания — русинский язык. // Plišková, A. (зост.) Языкова култура і языкова норма в русиньскім языку. Prešov: Prešovská univerzita, 2007. The Rusyn Language. A Grammar of the Literary Standard of Slovakia with Reference to Lemko and Subcarpathian Rusyn. München: Lincom Europa, 2009. The Place of Rusyn in the East Slavic linguistic continuum. // Danylenko, A., Vakulenko, S. (зост.) Studien zu Sprache und Literatur der Slaven. Gedenkschrift für George Y. Shevelov zum 100. Geburtstag. München, Berlin: Otto Sagner, 2012. Вітаєме! Welcome! A Textbook of Rusyn (ред. Robert Rothstein, Wayles Browne, Nick Kupensky). New York: Carpatho-Rusyn Research Center, 2021.
Референції
Катеґорія:Лингвисты