Конфуцианство — китайска филозофична школа, котра ся вывинула з учѣня китайского мудерця Конфуция, уцѣлена система моралных, социалных, политичных и религийных думок, котры мали значный вплыв на вывой китайской цивилизации аж до XXI. стороча.
История Тота всеобсяжность, синкретизм конфуцианства мать корѣнь в том, же в добѣ Конфуция еще не было росчленованости многых сторон духовной културы: религии, етикы, филозофии, социално-политичной думкы.Забияко А. П.
Европане ся зачали подробнѣйше дознавати о китайской цивилизации аж в XVII. сторочу, а в XVIII. сторочу конфуцианство ся стало предметом горячого почитаня у французскых просвѣтительох и британскых аристократох. По даяком спадѣ в зачатку XX. стороча в недавной добѣ прудкый успѣшный розвой держав з конфуциансков традициев, якыма суть Тайван, Сингапур, Южна Корея, наконець и сам Китай, веде ку новому росту интереса ку конфуцианству.
Конфуцианство не стратило честованя у людей и при подпорѣ штата и сполоченства звышуе в зачатку XXI. стороча свой потенциал як азийска одповѣдь на «западный» тип сполоченства. В сучасности «конфуцианска цивилизация» противостоить в геополитичном вымѣрѣ «христианской цивилизации», «исламской цивилизации» або иншым цивилизачным типам.
Характеристика Виджѣня свѣтаКонфуцианство ся раз поважуе за филозофию, раз за религию, але мож го характеризовати як виджѣня свѣта, способ думаня и живота, якый дедукуе глубоку побожность и почитаня старшых и предкох. Восточны Азийцѣ можуть быти синтоисты, даоисты, буддисты, могамедане або христиане, але при том не перестануть быти конфуцианами. Хоть конфуцианство мѣняло ся з часом, але в основѣ уже понад 2000 рокы означать додержаня традичных взорох в сполочности, образованю, фамилии.Tu Weiming
Основны принципыSvětová náboženstvíКаждый чоловѣк мать чинити тото, ку чому е дестинованый, а додержати нормы справедливого и моралного поступованя. В конфуцианствѣ найважнѣйшы суть три аспекты: ли — добре справованя и поступованя чоловѣка жень — такт и порозумѣня иншых сяо — почитаня старшых и предкох Отець е старшый в одношѣню ку сынови, старшый брат — ку младшому братови, муж (в родинѣ) — ку женѣ, пановник — ку подданому. Лем одношѣня двох приятельох суть ровноправны, а тоты ся нормують подля принципа жень.
Жерела и одказы Забияко А. П.: Конфуцианство. // Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус) Сс. 693–698
Референции
Катеґорія:Реліґія Катеґорія:Філозофічны напрямы