Иван Туряниця ( Іван Михайлович Туряниця; *16. януар 1943, Микуловцѣ, Мадярске кральовство (дн. Украина) – †9. апрѣль 2023, Нѣтра, Словакия) — професор УжНУ (биохемия), русинскый сполоченскый дѣятель.Paul Robert MagocsiВеселов Всеволод Игоревич, с. 158Пам’яті професора Івана Михайловича Туряниці
Педагогична и научна робота В Украинѣ По скончѣню середньой школы в Мукачовѣ (1959) абсолвовав Черкасскый педагогичный инштитут (1959–1964) и затым выучовав биологию и хемию в школах Закарпатской области. В року 1968 наступив до ашпирантуры медицинской факулты Ужгородской державной универзиты и наступно зыскав мѣсто старшого научного сотрудника. В року 1971 оборонив кандидатску дизертацию з биохемии, а в року 1988 дизертачну роботу доктора филозофии (Ph.D., на Универзитѣ приятельства народох в Москвѣ). Понад 30 рокы преподавав биохемию на медицинской факултѣ Ужгородской универзиты в статусѣ старшого научного сотрудника (1968), доцента (1988) и професора (1990–2000). Опубликовав серию робот в области биохемии и е автором вецерох фармацевтичных патентох.
В Словакии В року 2000 быв покликаный до Нѣтры професором катедры живлѣня чоловѣка на Словацкой польногосподарской универзитѣ, де працовав до року 2018. Под його веджѣньом 4 ашпиранты здобыли докторат. Опубликовав понад 40 научных робот.
Бечельованя Резултатами научно-зглядовательской роботы професора Туряницѣ суть понад 400 научных публикаций и 25 патентох. В року 2004 Свѣтовый научный комитет в Кембриджу признав його выникаючы здобытя в области биохемии ай вызнаменав го дипломов Славы, а в штудийном року 2008–2009 быв названый Чоловѣком року.
Сполоченска чинность Иван Туряниця в постсовѣтской добѣ припоив ся ку русинскому руху од самого его зачатку. Отворено выступовав за автономию Подкарпатской Руси в Украинѣ и вызнаня Русинох за окрему народность. Пропаговав свою позицию в часѣ визитох до европскых штатох и США, а вдну Украины як выбраный репрезентант Русинох. 15. фебруара 1992 быв выбраный за предсѣдника Общества Карпатскых Русинох намѣсто В. Сочкы-Боржавина. В роках 1993–2001 быв членом выконного заряду Свѣтовой Рады Русинох.
В року 1993 створив Дочасну владу републикы Подкарпатска Русь и став на ей челѣ. В роках 1994–1998 быв посланцьом Областной рады. В року 1999 году „Дочасну владу“ розвязав. В року 2000 одступив з роботы в Ужгородской универзитѣ и выемигровав до словацкой Нѣтры. Од фактично одстранив ся од участи в русинскых акциях.
Литературна чинность Иван Туряниця выдав властну поетичну зберьку Рудна земле пудкарпатська (1999).
Жерела и одказы
Референции
Катеґорія:Русиньскы народны дїятелї