Яков Медвецкый, Jakub Medwecki, Яків Медвецький , Цвѣтова Тарнопольского обводу, Австро-Мадярщина (днесь Украина) – , Краков, Рѣчь Посполита II. — грекокатолицкый священик, доктор теологии, администратор Апостолской Администрации Лемковины.Marek HanusП. З. Гуцал
По скончѣню народной школы и гимназии выштудовав богословие на Львовской грекокатолицкой семинарии (1900–1904). 7. апрѣля 1905 зостав высвяченый на священика в Станиславовѣ (днесь Ивано-Франковск). По рочной службѣ в Станиславовской епархии продовжив штудии на Вѣденьской универзитѣ, де здобыв докторат з теологии (1910). В роках 1910–1936 професор Станиславовской духовной семинарии, в роках 1912–14 тыж вице-ректор. Од року 1921 референт епископской конзистории, 1925 — честный крылошанин, 1927 — кустос, 1929 — архидиакон Станиславовской грекокатолицкой капитулы; 1935 — папскый прелат. 3. юла 1936 менованый на пост Апостолского Администратора Лемковины.
Администратор Яков Медвецкый своим декретом (1937) заказав священикам своей юрисдикции под грозбов пѣняжной покуты предплачати украинскы новинкы, головнѣ Український Бескид, выдаваный епископом Коциловскым, в котрых часто ся критиковала политика Апостолской Администрации Лемковины. Старанями нового администратора 1. мая 1938 сѣдлиско Апостолской Администрации Лемковины зостало перенесене до Санока, де было доступнѣйше про вѣрникох (Риманув-Здруй быв далеко од желѣзницѣ). Яков Медвецкый умер в шпиталю в Краковѣ на цукровку. На його мѣсто наступив Александер Малиновскый, котрый в протикладѣ до своих попередникох быв Украинцьом.
Жерела и одказы
Референції
Катеґорія:Русиньскы церьковны дїятелї Катеґорія:Апостолска Администрация Лемковины