Литература факту, non-fiction — литературный жанер, в котром зображены реалны, не вымышлены, люде и факты, але з помочов драматичных литературных техник прозовых жанрох.Encyclopedia Britannica
Примерами суть биографии вызнамных людей, описы даякых подѣй, путьовы описы, мемоары. Русскый писатель Максим Горькый основав выданя сериала Живот прекрасных людей ( Жизнь замечательных людей), котрый дале жие и доповнять ся новыма книгами того жанру. Од научно-историчных робот на подобну тему литература факту ся розликуе тым, же стварять умѣлецкый синтез, яркый, максимално конкретный образ подѣй, портретно-психологичну характеристику историчной особы. Але при тому писательска фантазия твердо ограничена.Муравьёв В. С.
Америцкый писатель Трумен Капоте твердив, же придумав жанер «роман факту» в своей книзѣ Хладнокровно ( In Cold Blood, 1965). Се реална история бруталного забивства фармерской родины в Канзасѣ. Книга основана на шести роках тяжкых выгледовань и розговорох зоз сусѣдами и приятелями жертв и двох влапленых забивцьох. История ся повѣдать з никаня розличных персон, и автор ся не мѣшать властныма коментарями и не перекручуе факты.
20-ы рокы 20. стороча Включѣня в литературу документалных материалох, патетика фактографичной точности была характерна про совѣтску прозу . Фактография была глашена главным принципом умѣлецкой творбы в часописѣ «Новый Леф» (1927–1928). Але тота «литература факту» терпѣла на еднобокость и упрощенный образ подѣй. Там хыбила аналитична глубина, а особовый аспект, за правило, зоставав поза виджѣньом автора. Лефовцѣ фетишизовали документ, тогды як суть литературы факту — его оживлѣня, своефайтове высвѣчѣня.
Представникох ЛЕФу наподобньовала украинска група Нова Генерация. Але там не вшиткы писателе ся держали объективного поданя фактох и подѣй. Напримѣр, Олекса Влизько в книжцѣ Влакы йдуть до Берлину (Поїзди ідуть на Берлін) часто намѣсто объективного опису подавать, як сам означив, «учудненый план». В польской литературѣ вплывы идей литературы факту мож видѣти у С. Кисилевского, А. Чайковского, Г. Кралла.Ковалів Ю. І.
В Споеных Штатах в року 1924 дѣяла група писательох и малярьох, звана Америцкый ЛЕФ ( American LEF), котру створив и провадив Давид Бурлюк.Grzegorz Gazda
Жерела и одказы
Референції
Катеґорія:Литературны жанры