Иштван Бочкай (; *1. януар 1557, Коложвар — Кошицѣ) — князь Ардяла (1605–1606).Magyar életrajzi lexikon
Бочкаѣ належали до середнього немешства. Отець Дьердь Бочкай (Bocskai György de Kismárja), мати Кристина Шуйок (Sulyok Krisztina de Leckcse). В молодости быв чуром при вѣденьском дворѣ. Вернувши ся до Ардялу (1576), од року 1592 капитан вародского замку и една з вызнамных особ противотурецкого табора.
Його уйчаник, Жигмонд Батори, князь Ардяла (1581–1602)На князя выбраный яко 9-рочный, по дѣдичному праву, за повнолѣтного выголошеный року 1588. подля рады уйка Иштвана року 1595 завязав союз из императором Рудолфом Габсбургом,Коротка історія УгорщиниРудолф II. яко нѣмецко-римскый, а Рудолф I. яко мадярскый и чешскый краль котрый на тот час уже быв в станѣ войны з Османсков империов.Encyclopaedia Britannica
Авшак австрийска помоч на дѣлѣ обернула ся тым, же император Рудолф пробовав забрати од Мадярох их конституцию, од землепанства маеткы, а од протестантох религийны слободы, в краю зачали контрреформацию, австрийскы генералы розвязали терор. Наростала недовольность в широкых верстях сполочности. Иштван Бочкай уже пошкодовав, же свого часу порадив вступити до союзу з Габсбургами, и теперь быв готовый глядати помоч и од противной стороны, але император Рудолф, дознавши ся о його планах, послав против нього велике войско, в котром были и 5000 гайдукох, з котрых плановали зробити ядро мадярского кральовского войска. тоты гайдукы "не хотячи быти катами свого народу" перейшли на сторону Бочкая и розбили чиселно векше австрийске войско. Иштван Бочкай року 1605 быв выбраный мадярскым соймом за князя Ардялу.
Гайдуцке войско зачало просувати ся горѣ током Тисы, выганяючи австрийскы гарнизоны з едного замка за другым. Але император Рудолф не хотѣв ани чути за даякы уступкы "бунтовникам". Обы захранити австрийскы провинции Мадярщины, принц Матяш, тайно од свого брата-императора Рудолфа, зачав ся догваряти з Бочкайом, и наконець быв подписаный Вѣденьскый мир гарантовавшый вшиткы конституцийны и религийны права и привилегии Мадярох як в Ардялѣ, так и в имперской Мадярщинѣ. Бочкай быв вызнаный австрийскым двором князьом Ардяла, ай официално было вызнане право Ардяла надале выбирати своих независимых князьох. Замок Токай и жупы Берег, Сатмар и Угоча были одступлены Бочкаям з правом наверненя Австрии в припадѣ його бездѣтности.
Приблизно 10 тысяч гайдукох Бочкай поселив на своих землях. Они не платили данѣ, не служили панщину, лем военску службу. Але через ранну смерть князя не было завершене ани поселеня гайдукох, ани вступлѣня в силу Вѣденьского миру. Император надале одмѣтовав жаданя "бунтовникох". Тогды гайдуцке войско продовжило бой, а император наконець вздав ся престолу. На його мѣсто выбрали Матяша ІІ. (1608–1619), а на соймѣ в року 1608 Вѣденьскый мир ратификовали.Безмала по трьох сторочах енциклопедия Брокгауза и Ефрона писала: "Это победоносное восстание повело к Венскому миру от 29 июня 1606, который еще и поныне считается основой государственного права в Венгрии".
Жерела Encyclopaedia Britannica, Volume 4. Bocskay, Stephen by Robert Nisbet Bain Magyar életrajzi lexikon Ред. Kenyeres, Ágnes — Budapest: Akadémiai Kiadó, 1967. Ласло Маккаї та інші. Коротка історія Угорщини. Ніредьгаза, 1997. Упорядник українського видання Іштван Удварі.
Референции